8:6-9, 12; 9:1-5, 23, 24

Ilo kar iien eo rar kajutak l̦ain in bũrij eo an Aron, Jeova ear kõm̦m̦an bwe en wal̦o̦k kijeek im tile menin katok ko rej tũli me ej kab kein kajuon in aer lel̦o̦k. Men in ear kwal̦o̦k bwe Jeova ear rejetak im buñbũruon kõn laajrak in. Kõn men in, Jeova ear rõjañ ri-Israel ro me rar kobatok im lo ta eo ear wal̦o̦k bwe ren lukkuun rejetake bũrij ro. Rainin, Jeova ej kõjerbal Jesus Christ, eo em̦õj an bõk an aiboojoj, im ej Bũrij L̦apl̦ap eo el̦apl̦o̦k. (Hi 9:11, 12) Ilo 1919 eo, Jesus ear jitõñ juon kumi jidikdik in em̦m̦aan ro me em̦õj kapit er ãinwõt “ri-karejar eo etiljek im mãlõtlõt.” (Mt 24:45) Ta ko rej kam̦ool bwe Jeova ej kõjeraam̦m̦an, rejetak, im bwe ebuñbũruon kõn ri-karejar eo etiljek im mãlõtlõt?

• Meñe ejjab bõjrak aer iioon matõrtõr im jum̦ae, ak ri-karejar eo etiljek im mãlõtlõt el̦akkar wõnm̦aanl̦o̦k wõt im letok m̦õñã ko ilo kõkkar ñan kõkajoor tõmak eo ad

• Ãinwõt kar kanaan kake, em̦õj kwal̦o̦k ak kajeeded ennaan eo em̦m̦an “ipel̦aakin lal̦ in.”​—Mt 24:14

Ewi wãween jemaroñ lukkuun rejetake ri-karejar eo etiljek im mãlõtlõt?