El̦ap tokjãn ijo kun̦aan kõrã ro jeid im jatid ilo jerbal ko an Aelõñ eo. (Sam 68:11) Rej katakin elõñ rũkkatak Baibõl̦ ro. Im enañin aolep ro rej rekũl̦ar bainier rej kõrã ro jeid im jatid. Elõñ to̦ujin kõrã ro jeid im jatid me el̦ap aer kijejeto rej jerbal ilo Betel̦, mijinede, jerbalin ekkal, im ukok. Kõrã ro jeid im jatid me rerũtto ilo tõmak rej kalõk im kõkajoor baam̦le ko aer im eklejia ko. (JK 14:1) Meñe kõrã ro jeid im jatid rejjab maroñ jerbal ãinwõt juon eo ej lale eklejia ak rijjipañ, ak remaroñ kõm̦m̦an wõt mejãnkajjik ko ilo eklejia eo. El̦aññe kwõj juon kõrã ak jiroñ, ta jet iaan wãween ko kwõmaroñ kõm̦m̦ani ñan kal̦apl̦o̦k ijo kun̦aam̦?

• Kaddek kadkad ko kadkadin Anij.​—1Ti 3:11; 1Pi 3:3-6

• Jipañ kõrã ak jiroñ ro ilo eklejia eo me ejjab l̦ap imminene ko ippãer.​—Tai 2:3-5

• Kakõm̦anm̦anl̦o̦k wãween am̦ kwal̦o̦k naan im kal̦apl̦o̦k joñan iien ko kwõj jol̦o̦k ñane

• Katak bar juon kajin

• Em̦m̦akũt ñan juon jikin el̦ap aikuj ie

• Kane ñan jerbal ilo Betel̦ ak jipañ ilo jerbalin ekkal ko an doulul in

• Kane ñan Jikuul̦ eo ñan Ri-Kwal̦o̦k Naan ro an Aelõñ Eo

ALWÕJE PIJA EO ETAN “WOMEN WHO ARE WORKING HARD IN THE LORD,” INNEM UWAAKE KAJJITÕK EO ITULAL̦:

• Ewi wãween an kar naan ko an kajjojo kõrã rein jeid im jatid rõjañ eok?