Jãn iien ko etto tok ñan kiiõ, ri-karejar ro an Anij rar maroñ katõprak elõñ men ko rekabwilõñlõñ, ejjab kõn kajoor eo aer make, ak kõn jipañ eo an Jeova. Ilo 1954 eo, doulul eo an Jeova ear kwal̦o̦k juon pija etan The New World Society in Action. Enañin aolep ro rar kõm̦m̦ane pija in ej ro rej jerbal ilo Betel̦ me ear ejjel̦o̦k aer jel̦ã im imminene kõn kilen kõm̦m̦an pija. Jerbal in epen ear tõprak kõn wõt jetõb kwõjarjar eo an Jeova. Men in ej kõm̦m̦an ad lõke bwe el̦aññe jej atartar ioon Jeova, jemaroñ lo tõprak ilo ad kõm̦m̦ane jabdewõt jerbal jej bũki.​—Zk 4:6.

ALWÕJE PIJA EO ETAN PRODUCING “THE NEW WORLD SOCIETY IN ACTION,” INNEM UWAAKE KAJJITÕK KEIN ITULAL̦:

• Etke kar pepe ñan kõm̦m̦ane juon pija kõn ra eo el̦ap?

• Ewi wãween an kar pija in kwal̦o̦k bwe Betel̦ ej ãinwõt juon ãnbwinnin armej?​—1Ko 12:14-20

• Ta men ko reppen ro jeid im jatid rar iiooni ke rar kõm̦m̦ane pija in, im ewi wãween aer kar anjo̦ ioer?

• Ta eo men in ej katakin kõj kõn jetõb kwõjarjar eo an Jeova?