Ri-Kõnnaan ro an Jeova ewõr juon aer jeraam̦m̦an ejejuwaan. Ãinwõt Kũrjin ro em̦õj aer ajel̦o̦k mour ko aer im peptaij, jej wõnm̦aanl̦o̦k wõt im kam̦wilal̦l̦o̦k kõtaan ko ad kajjojo ippãn eo im ej Irooj Bõtata, Jeova. Jeova ear kõm̦m̦an bwe jen epaakel̦o̦k e ikijjeen eo Nejin. (Jon 6:44) Ej roñjaki jar ko ad.​—Sam 34:15.

Ewi wãween ad maroñ kõjparok kõtaan eo ad eaorõk ippãn Anij? Juon wãween, jej aikuj kõjparok jãn ad kõm̦m̦ani men ko renana ri-Israel ro rar kõm̦m̦ani. Jejjo iien tokãlik ãlikin wõt aer kar kõm̦m̦an bujen jem̦jerã ippãn Jeova, rar kõm̦m̦ane juon koon in kau kõm̦m̦an jãn gold im rar oktak im kabuñ ñan ekjab. (Ex 32:7, 8; 1Ko 10:7, 11, 14) Bõlen jemaroñ kajitũkin kõj make: ‘Ewi wãween aõ em̦m̦akũt ñe ij iioon juon menin kapo? Kõm̦m̦an ko aõ rej ke kwal̦o̦k bwe ij kaorõk jem̦jerã eo aõ ippãn Jeova?’ Yokwe eo ad em̦wilal̦ ñan eo Jemãdwõj ilañ enaaj jipañ kõj ñan ko jãn men ko ej diki.​—Sam 97:10.

ALWÕJE PIJA EO ETAN GUARD YOUR RELATIONSHIP WITH JEHOVAH (KOL 3:5), INNEM UWAAKI KAJJITÕK KEIN:

• Ta in an̦okn̦ak?

• Etke jej aikuj kõjparok jãn arõk im kabuñ ñan ekjab?

• Ewi wãween an l̦õñ im kabuñ ñan ekjab ekkejell̦o̦k ippãn doon?

• Etke el̦aptata an ro me ewõr aer eddo ilo jerbal ko an Anij aikuj lale bwe ren kabwe aikuj ko an eo pãleer?