Jesus ear aje mour eo an kõn armej ro rejjab weeppãn. (Rom 5:8) Ejjel̦o̦k pere bwe jelukkuun kam̦m̦oolol kõn yokwe eo an Jesus im kõn an kar aje mour eo an kõn kõj. Meñe ãindein, ak jet iien jej aikuj kakeememej kõj make bwe Christ ear bareinwõt mej kõn ro jeid im jatid. Ewi wãween ad maroñ anõke Jesus ilo ad kwal̦o̦k yokwe ñan ro jeid im jatid me rejjab bar weeppãn ãinwõt kõj? Ewõr jilu wãween ko jemaroñ kõm̦m̦ane men in. Kein kajuon, jemaroñ kate kõj ñan bar m̦õttãik ro jeid im jatid me rej itok jãn jikin ko jet ak eoktak wãween aer mour jãn kõj. (Rom 15:7; 2Ko 6:12, 13) Kein karuo, jemaroñ kõjparok bwe jen jab ba ak kõm̦m̦ani men ko me renaaj kal̦õkatip ro jet. (Rom 14:13-15, UBS) Im kein kajilu, el̦aññe juon ej bõd n̦ae kõj, jen m̦õkaj im jol̦o̦k an bõd. (Luk 17:3, 4, UBS; 23:34) Ñe jenaaj kate kõj ñan anõke Jesus ilo wãween kein, Jeova enaaj wõnm̦aanl̦o̦k wõt im kõjeraam̦m̦an eklejia eo bwe en aenõm̦m̦an im bõrokuk.

ALWÕJE PIJA EO ETAN BECOME MORE BEAUTIFUL! IM ÃLIKIN UWAAKE KAJJITÕK KEIN ITULAL̦:

• Ilo jinoin, ewi wãween an kar Miki l̦õmn̦ak kõn eklejia eo an?

• Ta eo ear kõm̦m̦an bwe en oktak l̦õmn̦ak eo an?

• Ewi wãween an kar joñak eo an Jesus jipañ Miki ñan kajim̦we l̦õmn̦ak eo an? (Mk 14:38)

• Ewi wãween an Jabõn Kõnnaan 19:11 maroñ jipañ kõj ñan kalimjek wõt em̦m̦an ko an ro jeid im jatid?