Ilo kar lõta eo an rijjilõk Paul ñan Taitõs, ear jejel̦o̦k im ba bwe likao ro ekoba Taitõs ren kate er ñan kwal̦o̦k “juon joñak em̦m̦an kõn jerbal ko rem̦m̦an ilo men otemjej.” (Tai 2: 6, 7) Tokãlik ilo ejja jebta eo wõt, ear ba bwe Jesus enaaj karreoik armej ro an Jeova bwe ren maroñ “kijejeto ilo jerbal ko rem̦m̦an.” (Tai 2:14) Juon iaan jerbal ko rem̦m̦an ej ñan kwal̦o̦k naan im katakin armej ro kõn Aelõñ eo an Anij. El̦aññe kwõj juon jo̦dikdik, kwõmaroñ ke kõjerbal maroñ im kajoor eo am̦ bwe kwõn juon eo ej akjel̦õri ak rekũl̦ar bainier?​—JK 20:29.

El̦aññe kokõn̦aan bwe kwõn juon bainier, l̦õmn̦akl̦o̦k im̦aan kõn ta ko kwõmaroñ kõm̦m̦ani bwe kwõn maroñ bõk jerbal in. (Lk 14:28-30) Ñan waanjoñak, ewi wãween am̦ maroñ naaj kabwe aikuj ko am̦ ilo iien eo kwõnaaj bainier? Ewi wãween am̦ naaj kajejjet awa ko am̦? Jar im kajjitõk ippãn Jeova bwe en jipañ eok. (Sam 37:5, UBS) Kwõmaroñ kõnnaan ippãn jinõm̦ im jem̦am̦ kõn pepe eo am̦ im bar ippãn ro me rej lo tõprak ilo bainier. Innem kate eok bwe kwõn maroñ tõpar mejãnkajjik in am̦. Ejjel̦o̦k pere bwe Jeova enaaj kõjeraam̦m̦an eok kõn am̦ kijejeto ilo jerbal eo an.

ALWÕJE PIJA EO ETAN YOUTHS HONORING JEHOVAH, INNEM UWAAKI KAJJITÕK KEIN:

• Ta inepata im apañ ko me jet rar aikuj el̦l̦ã ioer bwe ren maroñ bainier, im ewi wãween bwe ren kar lo tõprak ilo men in?

• Ewi wãween an jemãn im jinen ajri ro maroñ jipañ ro nejier ñan erom juon bainier?

• Etke eaorõk bwe en wõr juon ad jikejuul̦ in kwal̦o̦k naan?

• Ewi wãween an ro uwaan eklejia eo maroñ kõkajoor ak jipañ juon eo ej bainier?

• Ta jeraam̦m̦an ko rej wal̦o̦k ñan ro rej bainier?