Aolep armej ro an Jeova remaroñ kõm̦m̦ani jerbal ko rem̦m̦an ñan Jeova me eban mel̦o̦kl̦o̦ki. Ãinwõt an jemãn im jinen ajri ro yokwe ro nejier im ban mel̦o̦kl̦o̦k men ko rem̦m̦an rar kõm̦m̦ani, ãindein Jeova eban bar mel̦o̦kl̦o̦k jerbal ko jej kõm̦m̦ani im yokwe eo jej kwal̦o̦ke kõn ãt eo etan. (Mt 6:20; Hi 6:10) Alikkar bwe kõj kajjojo eoktak joñan maroñ ko ad jãn doon im wãween ko jej iiooni ilo mour ko ad. Bõtab, ñe jenaaj kate kõj joñan wõt ad maroñ im jerbal ñan Jeova, jemaroñ lo lañlõñ. (Ga 6:4; Kol 3:23) Jãn iiõ ko m̦aantak, elõñ to̦ujin ro jeid im jatid rar jerbal ilo Betel̦. Ewõr ke am̦ maroñ ñan jerbal ilo Betel̦? Ñe kwõjjab maroñ, kwõmaroñ ke rõjañ juon ñan jerbal ilo Betel̦ ak jipañ juon eo ej pãd ilo Betel̦ ñan wõnm̦aanl̦o̦k wõt im jerbal ilo wãween in ejejuwaan?

ALWÕJE PIJA EO ETAN MAKING YOURSELF AVAILABLE FOR BETHEL SERVICE, INNEM UWAAKI KAJJITÕK KEIN:

• Ta un eo ejim̦we unin an juon kõn̦aan jerbal ilo Betel̦?

• Ta ko ro jet rar ba kõn jeraam̦m̦an ko rar loi itok wõt jãn aer jerbal ilo Betel̦?

• Ta naanin tõl ko juon ej aikuj l̦oori bwe en maroñ jerbal ilo Betel̦?

• Ewi wãween am̦ maroñ kanne ñan jerbal ilo Betel̦?