Jesus ear kõjerbal wiit im mar ko ñan waanjoñak kõn ewi wãween im ñããt eo enaaj kar kããlõt kumi in rũkkapit ro jãn ibwiljin armej ro ilo lal̦ in. Men in ear ijjino ilo 33 C.E.

13:24, UBS

‘Juon armej ear jeor ine em̦m̦an ilo mel̦aaj eo an’

• Rũkallib eo: Jesus Christ

• Jeor ine em̦m̦an: Ke kar kapit rũkal̦oor ro an Jesus kõn jetõb kwõjarjar

• Mel̦aaj: Aolep armej ro ilo lal̦ in

13:25, UBS

“Ke armej otemjej rekiki, juon rinana ear itok im jeor mar ko”

• Rinana eo: Tepil̦ eo

• Armej otemjej rekiki: Ke rijjilõk ro rar mej

13:30, UBS

“Ren jim̦or eddek m̦ae iien m̦adm̦õd”

• Wiit: Kũrjin ro rej rũkkapit

• Mar ko: Riabin Kũrjin ro

“Kõteepi mar ko m̦okta . . . ; innem aini wiit ko”

• Rũkarejar ro/rũm̦adm̦õd ro: Enjel̦ ro

• Kõteepi mar ko: Rej kõjenolo̦ke riabin Kũrjin ro jãn rũkkapit ro rej Kũrjin

• Aini wiit ko ñan ilowaan im̦õn ekkan eo: Rej ainitok rũkkapit ro ñan eklejia eo em̦õj karreoiki

Ke ear jino iien m̦adm̦õd jonikkan eo, ta eo ear kõm̦m̦an bwe en alikkar an oktak m̦oolin Kũrjin ro jãn riabin Kũrjin ro?

Ta tokjãn eo el̦ap ij bõke kõn aõ mel̦el̦e kõn waanjoñak in?