Jete de iiõ kiiõ in am̦ kõttar an Aelõñ eo an Anij itok? Kwõj ke kijenmej wõt meñe kwõj iioon apañ ko? (Rom 8:25) Elõñ apañ ko ro jeid im jatid rej iiooni. Ñan waanjoñak, jet rej pãd ilo kalbuuj, jet rej iioon kõjdat jãn ro jet, ewõr ro ejjab jim̦we aer kõm̦m̦an ñan er, im bar ro jet mour ko aer rej pãd ilo kauwõtata. Elõñ rej bar iioon apañ ko ikijjeen nañinmej ak kõn aer rũttol̦o̦k im m̦õjn̦o̦l̦o̦k.

Ta ko renaaj jipañ kõj bwe jen kijooror wõt ilo ad kõttar Aelõñ eo an Anij meñe jej iioon jabdewõt kain apañ? Eokwe jej aikuj kõkajoor tõmak eo ad ilo ad riit im kõl̦mãnl̦o̦kjen̦ kake eoon ko ilo Baibõl̦ kajjojo raan. Jej aikuj bar reim̦aanl̦o̦k wõt ñan kõjatdikdik eo ad. (2Ko 4:16-18, UBS; Hi 12:2, UBS) Bareinwõt eaorõk bwe jen jar im akwel̦ap ñan Jeova kõn kajoor eo ej itok jãn jetõb kwõjarjar eo an. (Lk 11:10, 13; Hi 5:7, UBS) Jemãdwõj ilañ, eo el̦ap an yokwe emaroñ jipañ kõj bwe jen ‘kijenmej ilo lañlõñ.’​—Kol 1:11.

ALWÕJE PIJA EO ETAN, WE MUST “RUN WITH ENDURANCE”​—BE CONFIDENT OF GAINING THE PRIZE, INNEM UWAAKE KAJJITÕK KEIN ITULAL̦:

• Kain apañ rot ko remaroñ wal̦o̦k ilo mour ko ad me jemaroñ jab kõtmãne kake? (Ekl 9:12, UBS)

• Ewi wãween an jar jipañ kõj ñe jej iioon apañ ko?

• El̦aññe jejjab maroñ kal̦apl̦o̦k kun̦aad ilo jerbal eo an Jeova ãinwõt kar m̦okta, etke eaorõk bwe jen l̦õmn̦ak wõt kõn men ko ewõr ad maroñ ñan kõm̦m̦ani kiiõ?

• Ta eo ej jipañ eok ñan wõnm̦aanl̦o̦k wõt im lõke bwe kwõnaaj bõk jeraam̦m̦an ko rej pãd im̦aan?