UNIN AN AORÕK KÕL IN: Armej otemjej rej aikuj kũr ñan etan Jeova bwe ren maroñ bõk lo̦mo̦o̦r. (Rom 10:13, 14, UBS) Bõtab, ejjab aolep ro rej katak Baibõl̦ rekõn̦aan mour ekkar ñan kien ko an Jeova. Jej aikuj kortokjãn iien ko ad ilo jerbalin kwal̦o̦k naan ilo ad jipañ ro rekõn̦aan kõm̦m̦an oktak ko ilo mour ko aer bwe ren maroñ kabuñbũruon Jeova. El̦aññe eto an rũkkatak eo katak Baibõl̦ ak ejjañin kõm̦m̦an wõnm̦aanl̦o̦k ko, em̦m̦anl̦o̦k ñe ebõjrak amiro katak. Ilo wãween in kwõmaroñ kõjerbale iien ko am̦ ñan pukot ro me Jeova ej karuwaaktok er ñane im ñan doulul in an. (Jon 6:65, UBS) Ijoke, el̦aññe tokãlik armej in ej kaalikkar bwe ‘em̦m̦an bũruon ñan bõk mour indeeo,’ alikkar jenãj m̦õn̦õn̦õ in bar katak ippãn.​—Jrb 13:48, NW.

KILEN KÕM̦M̦ANE:

• Nõbare rũkkatak eo kõn an kõn̦aan bõk jel̦ãl̦o̦kjen̦ eo ejim̦we.​—1Ti 2:4

• Kaalikkar aorõkin an jerbali men ko ear katak kaki.​—Lk 6:46-49, UBS

• Ilo jouj, kwal̦o̦k waanjoñak eo Jesus ear kwal̦o̦k kõn ri-jeor eo, im kajjitõk ippãn bwe en lale ta eo ej bõbraiki jãn an kõm̦m̦an wõnm̦aanl̦o̦k.​—Mt 13:18-23, UBS

• Ilo jouj, kõmel̦el̦eiki unin an nãj bõjrak amiro katak

• Kaalikkar ñane bwe kwõnaaj lol̦o̦ke jãn iien ñan iien ñan rõjañe, im bwe komiro maroñ bar katak ilju im jekl̦aj ñe enaaj kõm̦m̦an wõnm̦aanl̦o̦k

ALWÕJE PIJA EO, IM UWAAKI KAJJITÕK KEIN:

• Ilo an kar ri-kwal̦o̦k eo im rũkkatak eo kõnono ippãn doon, ta eo ej kaalikkar bwe rũkkatak eo ejjab kõm̦m̦an wõnm̦aanl̦o̦k?

• Ewi wãween an kar ri-kwal̦o̦k eo jipañ rũkkatak eo ñan kile bwe ear aikuj kõm̦m̦an oktak?

• Ewi wãween an kar ri-kwal̦o̦k eo kaalikkar ñan rũkkatak eo bwe em̦õn̦õn̦õ in bar katak ippãn ñe epojak tokãlik?