Jãn kar 2018 eo, ilo bok (magazine) ko ad me kein kwal̦o̦k naan, juon bok ej kwal̦o̦k wõt kõn juon unin kõnono ak juon wõt men ilo aolepen bok eo im ãindein ñan kajjojo bok ak magazine ko. Aolep magazine kein rej m̦õttan Nien Kein Jerbal eo Ad ñan Katakin. Kõn men in, jemaroñ kõjerbali ilo jerbalin kwal̦o̦k naan. Jemaroñ bareinwõt bõk jet iaan bok kein ippãd ñe jej etal ñan ijoko jet ak kaikujkuj. Kar jab kõm̦m̦ani bwe ren kein ad katak Baibõl̦ ippãn armej, bõtab remaroñ kãitoklimoik ro jet ñan kõn̦aan kal̦apl̦o̦k aer katak kõn Anij.

Ãlikin ad jino bwebwenato, kwal̦o̦k juon eoon im bõklõñtak kõn juon men me ej kõnono kake ilo magazine eo me emaroñ kãitoklimoik armej eo. Ñan waanjoñak, ñe armej eo ewõr an baam̦le ak bõlen ej juon eo me ej bũrom̦õj ak inepata kõn an eddodo, bõlen kwõmaroñ ba: “Ej kab m̦õjl̦o̦k aõ riiti juon katak kõn men in. Imaroñ ke kwal̦o̦k ñan kwe?” Ñe kwõj kile bwe eitoklimo, kwõmaroñ lel̦o̦k juon an kaape in magazine eo, ñe ejjab, kwõmaroñ jilkinl̦o̦k juon an kaape ilo internet, meñe ilo iien eo ej kab kein kajuon in am̦ kõnono ippãn. Im meñe ejjab mejãnkajjik eo ad el̦ap in ñan lel̦o̦k bok, ak magazine ko remaroñ jipañ kõj ñan lo ro me rem̦õn̦õn̦õ in em̦m̦akũt kõn ta ko rej katak.​—Jrb 13:48.