Bukwel̦o̦k ej kõjparok eklejia eo im ej ñan kauweik ro rejjab ukel̦o̦k jãn bõd ko aer. (1Ko 5:6, 11) Ñe jej rejetake wãween kauwe in me Jeova ej kõm̦m̦ane, jej kwal̦o̦k yokwe. Ewi wãween an maroñ ãindein ke ñe juon ej bukwel̦o̦k ekõm̦m̦an ad metak im bũrom̦õj, ebar kitibuj ro nukwier im em̦m̦aan ro rej pãd ilo kumi in ekajet eo?

Ilõñin men otemjej, jej kwal̦o̦k yokwe ñan ãt eo etan Jeova im ñan kien ko an rekkwõjarjar. (1Pi 1:14-16) Jej bareinwõt kwal̦o̦k yokwe ñan armej eo me ebukwel̦o̦k. Meñe kauwe in emaroñ l̦ap im kõmmetak, ak emaroñ “jebar leen aenõm̦m̦an, aet kõm̦m̦an ko rewãnõk.” (Hi 12:5, 6, 11) Jej bõbraik an Jeova kauweik armej eo me ebukwel̦o̦k el̦aññe jej kõm̦m̦ao ippãn ak ippãn juon eo me ear make kããlõt ñan jol̦o̦k etan jãn an juon iaan Ri-Kõnnaan ro an Jeova. Keememej bwe Jeova ej kauwe armej ro an ilo joñan eo me ekkar ak “ilo jim̦we.” (Jrm 30:11) Ilo ad rejetake an Jeova kauwe im kõkajoor wõt jem̦jerã eo ad ippãn, jej wõnm̦aanl̦o̦k wõt im kõjatdikdik bwe armej eo enaaj bar jepl̦aak ñan eo Jemãd me etũriam̦o.​—Ais 1:16-18, UBS; 55:7.

ALWÕJE PIJA EO ETAN MAINTAIN LOYALTY WITH A UNIFIED HEART, INNEM UWAAKI KAJJITÕK KEIN:

• Ta eñjake eo ekõmmetak Kũrjin ro ewõr nejier rej iioone ñe juon nejier ej ilo̦k jãn Jeova?

• Ewi wãween an eklejia eo maroñ rejetake ro uwaan baam̦le eo me rej tiljek wõt?

• Bwebwenato ta eo ilo Baibõl̦ me ej kwal̦o̦k kõn aorõkin ad tiljek ñan Jeova el̦apl̦o̦k jãn ad tiljek ñan baam̦le eo ad?

• Ewi wãween ad likũt wõt ad tiljek ñan Jeova el̦apl̦o̦k jãn ad tiljek ñan baam̦le eo ad?