Ejjab aolep iien epidodo ad keememeji men ko jej katak kaki. Meñe ãindein, ak kwõj ke kile bwe epidodo am̦ keememej waanjoñak ko an Jesus? Kwõmaroñ pijaikl̦o̦k waanjoñak ko an ilo l̦õmn̦ak eo am̦, im men in emaroñ jipañ eok ñan keememeji. Ejja ãindeinl̦o̦k wõt, emaroñ pidodo am̦ keememeji men ko kwaar katak kaki ilo am̦ pijaikl̦o̦k ilo l̦õmn̦ak eo am̦. Ewi wãween am̦ kõm̦m̦ane men in? Ilo am̦ jiñaiki pija ko ilo iien am̦ katak.

Ekkã an pidodo an ro rej jiña pija ko keememeji men ko rekããl rej katak kaki. Aer l̦oore wãween in ej jipañ er ñan mel̦el̦e ejjab naan ko wõt ak bareinwõt boin ko raorõk. Rej jiñaiki pija ko rejjab pen bõtab rel̦amwaan. El̦aptata an men in jipañ rũtto ro ñan keememeji men ko rej katak kaki.

Ñe kwõbar katak, kwõmaroñ jiñaiki men ko kwaar katak kaki. Kwõnaaj bwilõñ kõn joñan men ko kwõj keememeji!