Ej juon eddo el̦ap epãd ippãn jemãn im jinen ajri ro ñan katakin ro nejier kõn Jeova. (Eps. 6:4) Ñan jipañ er kõn eddo in aer, doulul in an Jeova em̦õj an kõm̦m̦ane elõñ kain kein katak ko ñan ajri ro. Ewi wãween am̦ maroñ kõjerbal kein katak kein ñan jipañ ro nejim?

• Pukot juon kein katak. Ilo JW.ORG eobrak kõn kein katak ko ñan jipañ ajri ro. Kwõnaaj loe elõñ pijain alwõj ko im bareinwõt kein katak ko me em̦õj likũti ilo jeje ñan am̦ kõjerbali. a Ñan pukot kein katak kein, type i naan kein “Children” ak “Teenagers” ilo search bar eo.

• Kããlõt kein katak eo ejejjet ñan ajri eo nejũm̦. Kein katak ko me em̦õj kõm̦m̦ani ium̦win “Children” remaroñ jipañ eok kããlõt kein katak eo ekkar im jejjet ñan eo nejũm̦. Ñan pukot kein katak kein, type i naan kein “Family Worship Projects.”

• Bõk kun̦aam ilo iien katak eo. Kõjparok bwe kwõn jab kõjerbal pijain alwõj kein im kein katak kein ñan am̦ baj kõm̦ad an ajri eo nejũm̦. Ijello̦kun am̦ ãindein, bwebwenato im etale katak kein ippãn eo nejũm̦ ñan jipañe ejaake juon jem̦jerã ippãn Jeova.