Ej juon jeraam̦m̦an el̦ap ñan ad pãd im mour ilo juon tõre me el̦apl̦o̦k an Jeova kaalikkarl̦o̦k mel̦el̦e ko ilo Baibõl̦ jãn kar m̦okta. (Dan. 12:4) Meñe ãindein, ak jet iien emaroñ pen ñan ad bõk aolep mel̦el̦e ko rekããltata kõn katak ko ilo Baibõl̦ eo. Ia eo jemaroñ loe mel̦el̦e kein ie?

• Ilo Watch Tower Publications Index ium̦win unin tõl eo “Beliefs Clarified,” kwõmaroñ loe juon laajrak kõn aolep mel̦el̦e ko rekããltata ekkar ñan iiõ ko rar wal̦o̦k. Ñan lo juon laajrak kõn mel̦el̦e kein, taipi naan kein “understanding clarified” (bar kobaiki quotation mark ko) ilo ijo ej ba “Enter Topic” ilo Watchtower Library ak Watchtower ONLINE LIBRARY^™.

• Bok in Jipañ Ri Kõnnaan ro an Jeova ñan Kappok Mel̦el̦e ej kwal̦o̦k juon laajrak ekadul̦o̦k me em̦õj kõllaajraki ekkar ñan katak ko. Etal ñan “Ri Kõnnaan ro an Jeova,” innem jipede ijo ej ba “Mel̦el̦e im Tõmak ko Ad,” im pukot ijo ej ba “Mel̦el̦e ko Ad Rekããl.”

Ñe kwõj kããlõt juon men kwõmaroñ katak ippam̦ make kake, kwõmaroñ ke kããlõt juon iaan mel̦el̦e kein rekããl im etale ta un ko unin kar kõm̦m̦ane oktak in me ej pedped ioon Baibõl̦ eo?