NAAN IN KEEAÑ—KEIN KATAK Jul̦ae 2019
Ilo bok in, epãd katak ko jenaaj katak kaki jãn Jeptõm̦ba 2-29, 2019
Kõpooj Kõj Kiiõ ñan Iien eo Renaaj Matõrtõr im Kaeñtaan Kõj
Ta ko jemaroñ kõm̦m̦ani bwe jen peran im jelm̦ae ri-kõjdat ro?
Wõnm̦aanl̦o̦k Wõt im Kabuñ ñan Jeova Meñe Kien eo Ej Kamo Ad Kabuñ Ñane
Ta eo jej aikuj kõm̦m̦ane el̦aññe kien eo ej kam̦o ad kabuñ ñan Jeova?
“Kom̦win Ilo̦k . . . im Kõm̦m̦an bwe Ren Erom Ri-Kal̦oora”
Etke elukkuun aorõk kõm̦m̦an ri-kal̦oor, im ta wãween ko me renaaj jipañ kõj ñan kajejjet jerbal in ad?
Wãween ñan Tõpar Bũruon Ro Rejjab Itoklimo kõn Kabuñ
Ewi wãween ad maroñ jipañ ro rejjab itoklimo kõn kabuñ bwe ren katak ñan yokwe Anij im erom ri-kal̦oor ro an Christ?
BWEBWENATO
Jeraam̦m̦an ko jãn Jeova Rar L̦e jãn Joñan eo Iar Kõtmãne Kake
Men ko Manfred Tonak ear iiooni ke ear mijinede ilo Africa rar jipañe ñan jel̦ã kijenmej, jokwane kõn men ko ewõr ippãn, im kwal̦o̦k kadkad ko jet rem̦m̦an.
Jesus Ear Ke Lukkuun Mej kõn Ña?
Ewõr ke iien kwõj l̦õmn̦ak bwe ejjel̦o̦k tokjãm kõn bõd ko kwaar kõm̦m̦ani? Ta eo emaroñ jipañ eok ñan anjo̦ eñjake in?
