Anij Ej Kea Kake Eok
EWÕR naanin jipañ ko rem̦m̦antata jemaroñ loi ilo Baibõl̦ eo kõnke ej juon bok jãn Anij. Meñe ejjab juon bokin taktõ, ak Baibõl̦ eo emaroñ jipañ kõj ñan kijenmej ñe jej iioon wãween ko el̦ap aer kainepataik kõj, ñe jej bõk l̦õmn̦ak ko rekabbweerer, ñe jej eñtaan kõn eñjake ko rekõmmetak, im ñe jej iioon wãween ko renana me rej jelõt ãnbwinnid im l̦õmn̦ak ko ad.
Men eo aorõktata ej bwe Baibõl̦ eo ej kaalikkar ñan kõj bwe ri-Kõm̦anm̦an eo ad, Jeova Anij, a el̦apl̦o̦k an mel̦el̦e kõn l̦õmn̦ak im eñjake ko ad jãn jabdewõt armej. Em̦õn̦õn̦õ im epojakin jipañ kõj ñan kijenmej ium̦win jabdewõt apañ jej iioone. Ñan waanjoñak, l̦õmn̦ak kõn ruo iaan eoon ko jãn Baibõl̦ me el̦ap aer kaenõm̦m̦an kõj:
“Jeova ej epaak ñan ro erup bũrueer, im Ej lo̦mo̦o̦ren ro rettã wõt ilo aer.”—SAM 34:18.
“Bwe Ña Jeova, am̦ Anij, Inaaj jibwe peim̦ anmoon̦ im ba ñan eok, ‘Kwõn jab mijak; Inaaj jipañ eok.’”—AISEIA 41:13.
Bõtab ewi wãween an Jeova jipañ kõj ñan kijenmej ñe ewõr juon ad nañinmej me ej jelõt kõl̦mãnl̦o̦kjen̦ eo ad? Ãinwõt am̦ naaj loe ilo katak ko ilo magazine in, Jeova ej kwal̦o̦k bwe el̦ap an kea kõn kõj ilo elõñ wãween ko rem̦m̦an.
a Jeova ej ãt eo etan Anij.—Sam 83:18.
