Ta Eo Baibõl̦ Ej Ba?
Ta in Armagedon?
Jet armej rej tõmak . . .
bwe enaaj juon iien eo me enaaj ko̦kkure aolepen lal̦ in kõn nuclear bam̦ ko ak jãn jorrããn ko rej wal̦o̦k ilo lal̦ in. Ta l̦õmn̦ak n̦e am̦?
Ekkar ñan Baibõl̦:
Armagedon ej kõkkar kõn “tarin̦ae in raan el̦ap, raan in Anij ekajoor otem kajoor,” im enaaj ko̦kkure ro renana.—Revelesõn 16:14, 16.
Ta men ko jet Baibõl̦ ej ba?
Tarin̦ae in an Anij ilo Armagedon, ejjab ñan ko̦kkure lal̦ in, ak ñan kõjparoke jãn an armej ko̦kkure.—Revelesõn 11:18.
Tarin̦ae in Armagedon enaaj kabõjrak tarin̦ae ko otemjej ioon aolepen lal̦.—Sam 46:8, 9, UBS.
Jemaroñ ke el̦l̦ã jãn tarin̦ae in ilo Armagedon?
Ta l̦õmn̦ak n̦e am̦?
Aet
Jaab
Bõlen
Ekkar ñan Baibõl̦:
Juon ‘jarlepju in armej’ jãn aelõñ otemjej renaaj el̦l̦ã jãn “eñtaan eo el̦ap,” eo im enaaj jem̦l̦o̦k ilo tarin̦ae in Armagedon.—Revelesõn 7:9, 14, UBS.
Ta men ko jet Baibõl̦ ej ba?
Anij ekõn̦aan bwe aolep armej ren el̦l̦ã jãn Armagedon. Ej ko̦kkure ro renana wõt el̦aññe rejjab kõn̦aan oktak jãn kõm̦m̦an ko aer renana.—Ezekiel 18:32, UBS.
Baibõl̦ ej kõmel̦el̦eik kõn wãween jemaroñ el̦l̦ã jãn Armagedon.—Zepanaia 2:3, UBS.
