Juõn Anij ke ak juõn Armij?

“ÑA, MARAM in lõl: eo ej lor Iõ e jamin etal ilo marok, a e naj an maram in mour.” (Jon 8:12) Jesus Christ ear ba nan kein. Juõn emaan emeletlet ilo ebeben eo kein kajuõn ear jeje kin e: “Ilo E re nojõk men in aurõk ko otemjej an meletlet im jelalokjen.” (Dri Kolosse 2:3) Bareinwõt, Bible eo ej ba: “Im men in mour in drio, bwe ren jela Kwe juõn wõt Anij emol, im Jisõs Kraist, eo Kw’ar jilkintok.” (Jon 17:3) Jelãlokjen eo ejimwe kin Jesus eaorõk ñan kabwe aikwij ko ad ilo jitõb.

Armij ro ibelakin lal rar roñ kin Jesus Christ. Jejjab aikwij kajitõk ilo bere kin wãwen an kar jelet aolep armij ro ilo bwebwenato eo an lal. Emol bwe, calendar eo me enañin aolep armij ro ilo lal rej kajerbale ej bedbed ion yiõ eo ear lotak. “Elõñ armij rej jitõñlok ñan ran ko mokta jen yiõ eo ear lotak einwõt B.C., ak mokta jen Christ,” book eo The World Book Encyclopedia ej kamelele. “Rej kajerbal A.D., ak anno Domini (melelen ilo yiõ eo an Iroij), ñan jitõñlok ñan ran ko elikin yiõ eo ear lotak.”

Ak, elõñ lemnak ko rej idaptõk ibben don kin wõn kar Jesus. Ñan jet armij, ear juõn emaan ewejebedik ilo aolepen bwebwenato eo an lal. Ak, ro jet, rej kabuñ ñan e einwõt Anij Ekajur Bõtata. Jet Ri Hindu rar keidi Jesus Christ ñan anij in Hindu eo Krishna, me elõñ armij rar watõke einwõt juõn anij ilo kanniek. Jesus ear baj juõn emaan ke ilo kanniek, ak juõn anij? Ilo mol wõn e? Ear itok jen ia? Kar ta kadkad ko kadkadin? Im ej bed ia kiõ? Ilo katak in tok ilal, jenaj lo uak ko remol ñan kajitõk kein jen book eo me elap an kamelele kin Jesus.