Kwoj ke Kememej?

Kwar mõnõnõ ke in riiti Imõniaroñroñ ko ilo aliñ ko rej kab motlok? Lale elañe kwomaroñ uake kajitõk kein ilõl:

• Eor ke kejatrikrik kin jerkakbiji ñõn juõn niñniñ ej mij ilo lojen jinen?

Mour ej ijjino ilo ien etta. Jeova emaroñ kejerkakbiji jabrewõt armij, jekron ewi joñõn ridtair kinke “Anij ej maroñ kin men otemjej.” (Mark 10:27) Bõtab, Baibel eo ejjab kwalok bwe enaj kejerkakbiji juõn niñniñ me ear mij iloan lojen jinen.​—4/15, peij 12, 13.

• Ta katak ko rekeie jej katak jen loñ ko, kiru badger, lokõs im kilidrep ko?

Menin mour kein emen rej kwalok kin meletlet. Kin men in rej kalikar meletlet eo an Anij. (Ken. 30:24-​28)​—4/15, peij 15-​19.

• Ta men eo eaurõk ear walok ñõn Dri Kennan ro an Jeova jibuki yiõ ko remotlok ilo 1909?

Ilo 1909, ra eo elap an Watch Tower Bible and Tract Society, me Dri Kennan ro an Jeova rar kajerbale ear emakõt jen Pittsburgh, Pennsylvania, ñõn Brooklyn, New York, im ñõn kiõ ej ber wõt ie.​—Julae-Jeptõmba, peij 14-​16.

• Etke Baibel eo ej kwalok bwe emõn ikõñ?

Ikõñ ej juõn kakõlõn kwalok koutiej, kwalok meletlet im lolokjen, im einwõt juõn men ñõn jibõñ kij kalomõnlokjen. (Sam 37:7; 63:6; Ken. 11:12)​—5/15, peij 3-5.

• Jete oran kiñ ro an Juda rar kwalok kijejeto kin mweo imõn Jeova?

Eor joñoul druatimjuõn kiñ ro rar iroij iturõkin ailiñ in Juda, im emen wõt rar kwalok kijejeto​—Esa, Jihoshapat, Hezekaia, im Josaia.​—6/15, peij 7-​11.

• Aolep dri Kristian dri kabit ro, rej ke bõk kwonair in lelok ekan ko lor jitõb?

Jaab. Aolep ro me jitõb eo an Anij ear kabit ir rej mõtõn dri kõmõñã eo etiljek im meletlet, ak ro rej ejaake Kumi eo Ej Tel Dri Kennan ro an Jeova rej letok ekan ko lor jitõb.​—6/15, peij 22-​24.

• Ewi wãwen kwomaroñ kapoj jodrikdrik ro nejõm bwe ren pojõk ñe reridto?

Ñõn kapoj jodrikdrik ro bwe ren pojõk ñe reridto, kwoj aikwij jibõñ e ñõn kadreklok “maroñ in jela” eo an bwe en maroñ mõke kõmõni bebe ko remõn. Ikijen ar jerbale nan in kakabilek ko ilo Baibel eo ilo wãwen ko rebolemen, men in enaj jibõñ ir ñõn jerbal ilo jime, kõmõn bebe ko rejime ñe renaj ridtolok, im ilo wãwen in enaj bõprae ir jen air iion jorran. (Pil. 4:5; Gal. 6:7; Kol. 3:21) Berber eo ebin me emaroñ kalek juõn baamle elemõnõnõ ej kien ko ilo Baibel.​—Julae-Jeptõmba, peij 21-23.

• Etke jemaroñ ba bwe yokwe armij kar men eo ear kajenolok Jisõs jen dri tel in kabuñ ko jet?

Ijellokin an dri tel in kabuñ ko kwalok yokwe ñõn armij ro, rar kejekron ir. Bareinwõt, rar jab yokwe Anij. Jisõs ear yokwe Jemen im ear tiriamokake armij. (Mat. 9:​36) Ear meanwõr im joij ñõn armij.​—7/15, peij 15-16.