Juõn Ledrik Jidrikdrik Elap An Emmol

JUÕN ien ejjab eto jen kiõ, juõn ledrik druatimjuõn yiõ ridtõn ilo Brazil, ear kajenolok jããn ko an me ear kejbãroki ilo ruo mõtõn, 18 dala im 25 dala. Ear likit 18 dala ilo box in jabawõt eo ilo Imõn Kwelok eo an ñõn jibõñ kõllãik aikwij ko an congregation eo, im ear jilkinlok 25 dala ñõn ra eo an Dri Kennan ro an Jeova im juõn letter ekaru iben jããn kein. Letter eo an ej ba: “Ikõnan lewoj jabawõt in ñõn jerbal in kwalok nan eo ibelakin lõl in. Kõnan eo aõ in ej bwe in jibõñ elõñ ro jeer im jãter man im kõra ro ibelakin lõl in ñõn air kwalok nuuj eo emõn. Ij lewoj men in kinke ij lukkun yokwe Jeova.”

Ro jemen im jinen ledrik in rar katakini ñõn an jela aurõkin an aikwij kõmõn jabrewõt men emaroñ ñõn an bõk kwonan ilo jerbal in kwalok nan kin Ailiñ eo. Rar jibõñ e ñõn an kile bwe ej aikwij ‘kaibujuij Jeova kin men ko mweien.’ (Ken. 3:⁠9) Einwõt ledrik jidrikdrik in, kij aolep jen kijejeto wõt ilo ar bõk kwonad ñõn kowõnmanlok jerbal ko an Ailiñ eo, ilo jikin eo jej ber ie im bareinwõt ilo belakin lõl!