Mõnõnõ in Lelok jen Buruer

DRI jilik Paul ear je nan kein ñe jej lelok jabawõt ko: “Jabrewõt armij einwõt e ar bebe ilo buruen, ein drein en lelok,” im ear wõnmanlok im ba: “Jab kin kelmarok, ak makoko: bwe Anij ej yokwe eo e mõnõnõ in lelok.” (2 Kor. 9:7) Jeova ejjab iun jabrewõt bwe en rejetake kabuñ eo emol. Ej kõtlok bwe dri korijer ro an ren kwalok air yokwe e, ikijen air bõk kwonair im mõnõnõ in lelok jabawõt ko. Ilo aolepen bwebwenato ko an armij, ro dron Jeova rar mõnõnõ in kõmõn eindrein. Jen etale jilu wanjoñok ko.

Elikin an Jeova kanemkwoj dri Israel ro jen Ijipt, ear kaiñi ir bwe ren kalek imõn kaber eo. Kar aikwij men ko kõbwebweien, kin men in rar kir dri Israel ro ñõn lelok jabawõt ko. Ilo mõnõnõ, “ro rar kõnan kõmmõne men in” rar bõktok gold, silver, im mweiuk aurõk ko jet. Joñõn air lukkun kar mõnõnõ in lelok, rar kajelaik ir bwe ren bwijrõk jen air lelok jaba ko air.​—Ex. 35:​5, 21, UBS; 36:​6, 7.

Elõñ buki yiõ ko tokelik ke rar kaleke tempel eo, ear bar bellok juõn ien ñõn ro dron  Anij ñõn kwalok air rejetake kabuñ eo emol. Kiñ Devid ear mõke lelok jabawõt ko an ñõn kalek tempel eo im ear bareinwõt kir ro jet bwe ren bõk kwonair ñõn lelok jaba ko. Joñõn air kar lukkun mõnõnõ in lelok, joñõn jaba ko rar lelok kin gold im silver wõt ear tõbar elõñlok jen tarrin in 100 billion dala. Armij ro rar lukkun mõnõnõ in lelok jabawõt ko air ñõn Jeova kin aolepen burueir.​—1 Kron. 29:​3-9; 2 Kron. 5:1.

Dri kalor ro mokta an Jisõs rar bareinwõt mõnõnõ in lelok jaba ko. Ilo yiõ eo 33, ilo ran in Pentekost, enañin 3,000 ro rar baptais, im elõñ ian rein rar itok jen ijoko retolok jen Jerusalem. Ñõn jibõñ ro me ear jabwe aikwij ko air ñõn berwõt ilo Jerusalem im kalaplok air katak kin tõmak eo air ekãl, kar kõmõn juõn karõk bwe armij ro ren kobaik mweiuk ko air iben dron ñõn air maroñ jibõñ rein. Dri tõmak ro rar wiakake mweiuk ko air im bõklok jããn ko ñõn dri jilik ro ñõn air jibõñ ro rar ber ilo aikwij. Men in ear lukkun kamõnõnõik Jeova ke rar kwalok tõmak im yokwe eo air ilo wãwen in!​—Jerb. 2: ​41-​47.

Ranin, dri Kristian ro rej wõnmanlok im rejetake kabuñ eo emol ilo air mõnõnõ in lelok ien, kajur, im mõnni ko air. Ilo box eo “Wãwen Ko Armij Rej Bebe In Lelok” ej kwalok kin jet wãwen ko me kwomaroñ kõmõne men in.

[Bo̦o̦k eo ilo peij 18]

WÃWEN KO ARMIJ REJ BEBE IN LELOK

JABAWÕT KO ÑÕN JERBAL IN KWALOK NAN EO IBELAKIN LÕL

Jet rej kejbãrok joñõn jããn ko air ñõn jabawõt kaki im likiti ilo box in jaba eo me rej je nan kein “Jerbal In Kwalok Nan Ibelakin Lõl.”

Kajjojo aliñ, congregation ko rej jilkinlok joñõn jããn kein ñõn ra eo an Dri Kennan ro an Jeova ilo elõñ ailiñ ko. Bareinwõt remaroñ jilkinlok jããn ko air me rej mõnõnõ in jabawõt kaki ñõn Watch Tower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-​2483, ak ñõn ra eo an Dri Kennan ro an Jeova me ej bõk erron ailiñ eo am. (Elañe kwoj bebe in kõmõn kain jaba ko me emwij kõlajrak itulõl, kwomaroñ jilkinlok ñõn ra eo ej bõk erron ailiñ eo am.) Kwomaroñ jilkinlok jabawõt ko ikijen check ñõn address eo ej walok itulõñ im aikwij je nan in “Watchtower.” Kwomaroñ jabawõt kin mweiuk ko raurõk bareinwõt. Kwon je juõn letter ilo tukaru ñõn kemelele bwe kwoj jabawõt kaki.

JUÕN KARÕK EOR JOÑÕN KIN JABAWÕT

Kwomaroñ lelok joñõn jããn eo ñõn Watch Tower Bible and Tract Society of Pennsylvania bwe ren kajerbal ñõn jerbal in kwalok nan eo ibelakin lõl. Bõtab, remaroñ bar karolwõj jããn in ñe kwoj bar kajitõk kake. Ñõn bõk melele ko jet, joij im jejelok ñõn Treasurer’s Office eo me address eo an ej walok ijo itulõñ ak call ilo (718) 560-​7500.

WÃWEN KO JET JEMAROÑ JABAWÕT

Eor wãwen ko jet ñõn lelok jããn ak menin jibõñ ñõn jerbal in kwalok nan kin Ailiñ eo ibelakin lõl. Men kein rej:

Insurance: Kwomaroñ karõk in lelok insurance ak jortoklik eo am ñõn Watch Tower Bible and Tract Society of Pennsylvania.

Jããn ko Ilo Bank: Kwomaroñ kejbãrok joñõn jããn ko ilo bank me kwoj bebe bwe Watch Tower Bible and Tract Society of Pennsylvania en joliti.

Stocks im Bonds: Kõj eo am kwar bõk jen juõn business im peba in kamol ko rej kamol bwe kwar muriik jããn ko am ñõn juõn business bwe en koorlok jããn. Ñe kwoj lelok kõj eo im peba in kamol in ñõn Watch Tower Bible and Tract Society, jããn ko me kwonaj kar bõk jen business eo, renaj an Society kinke kwar jabawõt ñõne.

Wãto: Wãto ko me jemaroñ wia kaki ñõn armij, jemaroñ jabawõt ñõn Watch Tower Bible and Tract Society of Pennsylvania. Kwomaroñ jejelok ñõn ra eo ej bõk erron ailiñ eo am mokta jen am jaba kake.

Bar Juõn Karõk in Jaba: “Gift annuity” ej juõn karõk me juõn ekõnan lelok jããn in jabawõt ak menin lelok ko jet ñõn Dri Kennan ro an Jeova im ej jilkinlok ñõn rolul eo me Dri Kennan ro an Jeova rej kãlete ñõn lolorjake jããn ko air. Kajjojo yiõ, eo me ear jaba ak eo me ear kãlete, emaroñ or nejin jããn jen jããn in jabawõt ko ear lelok ñõn Watchtower Bible and Tract Society, im joñõn eo enaj bõke enaj ekkar ñõn joñõn eo me ear karõke, toõn wõt an mour. Inem ilo yiõ eo ej jabawõt, kien eo emaroñ kadriklok joñõn an kõllã owõj.

Juõn Kein Kamol: Kwomaroñ kõmõne juõn peba in kalimur ñõn kamol bwe Watch Tower Bible and Tract Society of Pennsylvania, ej e eo enaj lali ak joliti men ko mweiõm ak jããn ko am ñe kwonaj mij. Bareinwõt karõk rot in emaroñ or tokjen ñõn eo ej jaba ñõn juõn rolul in kabuñ ñe ej kõllã owõj ko an ñõn kien eo.

Jej aikwij in kapojõklok iman ñe jej bebe in lelok ak jaba ilo wãwen kein. Ñõn jibõñ jabrewõt eo ej kõnan kajerbal wãwen kein ñõn jabawõt kinke ekõnan jibõñ jerbal eo an Dri Kennan ro an Jeova ej walok ibelakin lõl, emaroñ lale brochure eo emwij kõmõne ilo kajin English im Spanish ak ejelok ilo kajin Majõl, title in ej “Wãwen Ko Jet Jemaroñ Jabawõt ñõn Jibõñ Jerbal in Kwalok Nan” (Charitable Planning to Benefit Kingdom Service). Buk in ej kemelele kin elõñ wãwen ko me jemaroñ jabawõt ilo ien eo jej mour wõt ak elikin. Elikin an kar jet riiti buk in im konono iben ro rej jerbal ilo office in bõk owõj ko, rar jino jabawõt ñõn jibõñ kij kin jerbal in kwalok nan eo ibelakin lõl. Im ro rar jabawõt rar bõk elap tokjen ilo an driklok wõnan owõj ko air. Ñõn bõk buk in jemaroñ kajitõk iben Charitable Planning Office eo.

Ñõn bõk melele ko relaplok, kwomaroñ jeje ñõn Charitable Planning Office eo ilo address eo ej walok itulõl, ak telephone lok, ak ñe jab, jeje ñõn ra eo ej bõk erron ailiñ eo am.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-​9204

Telephone: (845) 306-​0707