‘Jen Bõktok Jurtak ñõn Jeova’

ÑE JUÕN armij ej kwalok joij ñõn kwe, ewi wãwen kwoj kwalok am kamolol ñõn e? Jen etale ewi wãwen an kar kapen in jarin tõrinae ro an Israel kwalok kamolol elikin air kar tõrinae iben dri Midian ro. Tõrinae in ear walok elikin an kar dri Israel ro jerawiwi kin air kar kabuñ ñõn Beal, anij in Peor. Anij ear kõmõn bwe armij ro an ren bõk anjo, im rar ajeji menin rakimi ko ñõn 12,000 dri tõrinae ro im dri Israel ro jet. Dri tõrinae ro rar lor kien ko an Jeova ilo air lelok mweien pris ro jen kõj ko air, im dri Israel ro jet rar kõmõn ejja eindrein wõt ñõn dri Livai ro.​—Bwin. 31:​1-5, 25-​30.

Bõtab, kapen ro rar kõnan kalaplok ijo kwonair. Rar ba ñõn Moses: “Kim, ro dri korijerõm, ar bwini ro dri tõrinae, ro kim ar lale ir, im ejelok juõn iam e joko.” Rar lelok gold ko im menin aurõk ko jet einwõt kein jortak ko ñõn Jeova. Joñõn erron aolep gold ko ekar laplok jen 500 paun (190 kg).​—Bwin. 31:49-​54.

 Ranin, elõñ armij ro rej bõk kwonair ilo air kwalok air kamolol Jeova kin aolep men ko ej kõmõni ñõn ir. Kobalok iben men in, ejjab dri korijer ro wõt an Jeova rej kwalok air kamolol ilo wãwen in. Ñõn wanjoñok, men in ear walok ñõn juõn dri kattõr bus im ear bõkto bõktak jet kumi in Dri Kennan ro an Jeova ke rar ber ilo juõn kwelok elap ilo Bologna, Italy ilo kar 2009 eo. Kinke ear juõn dri kattõr eo elap an kejbãrok im etã buruen, ro rar uwe ilo bus eo rar je juõn letter in kamolol e im lelok jidrik an jããn, im bareinwõt juõn an copy in buk eo etan Ta eo Baibel Ej Lukkun Katakin? Dri kattõr bus in ear ba: “Iar mõnõnõ in bõk letter eo im buk eo, bõtab ij karollok jããn in kinke ikõnan lewoj einwõt juõn jabawõt bwe komin maroñ wõnmanlok wõt ilo jerbal in ami. Meñe ijjab juõn Dri Kennan ro an Jeova, ikõnan lewoj jabawõt in kinke ij lo bwe aolep jerbal ko ami rej itok jen yokwe eo ami.”

Elañe kwokõnan kwalok am kamolol kin aolep men ko Jeova ej kõmõni ñõn kwe, juõn wãwen kwomaroñ kõmõni men in ej ilo am lelok jabawõt ko ñõn kowõnmanlok jerbal in kwalok nan eo an Dri Kennan ro an Jeova ibelakin lõl in. (Matu 24:14) Ilo box eo, emwij kilajrõk jet wãwen kwomaroñ lelok jibõñ.

[Box ilo peij 20, 21]

WÃWEN KO ARMIJ REJ BEBE IN LELOK

JABAWÕT KO ÑÕN JERBAL IN KWALOK NAN EO IBELAKIN LÕL

Jet rej kejbãrok joñõn jããn ko air ñõn jabawõt kaki im likiti ilo box in jaba eo me rej je nan kein “Jerbal In Kwalok Nan Ibelakin Lõl.”

Kajjojo aliñ, congregation ko rej jilkinlok joñõn jããn kein ñõn ra eo an Dri Kennan ro an Jeova ilo elõñ ailiñ ko. Bareinwõt remaroñ jilkinlok jããn ko air me rej mõnõnõ in jabawõt kaki ñõn Watch Tower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, ak ñõn ra eo an Dri Kennan ro an Jeova me ej bõk erron ailiñ eo am. (Elañe kwoj bebe in kõmõn kain jaba ko me emwij kõlajrak itulõl, kwomaroñ jilkinlok ñõn ra eo ej bõk erron ailiñ eo am.) Kwomaroñ jilkinlok jabawõt ko ikijen check ñõn address eo ej walok itulõñ im aikwij je nan in “Watchtower.” Kwomaroñ jabawõt kin mweiuk ko raurõk bareinwõt. Kwon je juõn letter ilo tukaru ñõn kemelele bwe kwoj jabawõt kaki.

JUÕN KARÕK EOR JOÑÕN KIN JABAWÕT

Kwomaroñ lelok joñõn jããn eo ñõn Watch Tower Bible and Tract Society of Pennsylvania bwe ren kajerbal ñõn jerbal in kwalok nan eo ibelakin lõl. Bõtab, remaroñ bar karolwõj jããn in ñe kwoj bar kajitõk kake. Ñõn bõk melele ko jet, joij im jejelok ñõn Treasurer’s Office eo me kar kwalok kake address eo an, ak call (718) 560-7500.

WÃWEN KO JET JEMAROÑ JABAWÕT

Eor wãwen ko jet ñõn lelok jããn ak menin jibõñ ñõn jerbal in kwalok nan kin Ailiñ eo ibelakin lõl. Men kein rej:

Insurance: Kwomaroñ karõk in lelok insurance ak jortoklik eo am ñõn Watch Tower Bible and Tract Society of Pennsylvania.

Jããn ko Ilo Bank: Kwomaroñ kejbãrok joñõn jããn ko ilo bank me kwoj bebe bwe Watch Tower Bible and Tract Society of Pennsylvania en joliti.

Stocks im Bonds: Kõj eo am kwar bõk jen juõn business im peba in kamol ko rej kamol bwe kwar muriik jããn ko am ñõn juõn business bwe en koorlok jããn. Ñe kwoj lelok kõj eo im peba in kamol in ñõn Watch Tower Bible and Tract Society, jããn ko me kwonaj kar bõk jen business eo, renaj an Society kinke kwar jabawõt ñõne.

Wãto: Wãto ko me jemaroñ wia kaki ñõn armij, jemaroñ jabawõt ñõn Watch Tower Bible and Tract Society of Pennsylvania. Kwomaroñ jejelok ñõn ra eo ej bõk erron ailiñ eo am mokta jen am jaba kake.

Bar Juõn Karõk in Jaba: “Gift annuity” ej juõn karõk me juõn ekõnan lelok jããn in jabawõt ak menin lelok ko jet ñõn Dri Kennan ro an Jeova im ej jilkinlok ñõn rolul eo me Dri Kennan ro an Jeova rej kãlete ñõn lolorjake jããn ko air. Kajjojo yiõ, eo me ear jaba ak eo me ear kãlete, emaroñ or nejin jããn jen jããn in jabawõt ko ear lelok ñõn Watchtower Bible and Tract Society, im joñõn eo enaj bõke enaj ekkar ñõn joñõn eo me ear karõke, toõn wõt an mour. Inem ilo yiõ eo ej jabawõt, kien eo emaroñ kadriklok joñõn an kõllã owõj.

Juõn Kein Kamol: Kwomaroñ kõmõne juõn peba in kalimur ñõn kamol bwe Watch Tower Bible and Tract Society of Pennsylvania, ej e eo enaj lali ak joliti men ko mweiõm ak jããn ko am ñe kwonaj mij. Bareinwõt karõk rot in emaroñ or tokjen ñõn eo ej jaba ñõn juõn rolul in kabuñ ñe ej kõllã owõj ko an ñõn kien eo.

Jej aikwij in kapojõklok iman ñe jej bebe in lelok ak jaba ilo wãwen kein. Ñõn jibõñ jabrewõt eo ej kõnan kajerbal wãwen kein ñõn jabawõt kinke ekõnan jibõñ jerbal eo an Dri Kennan ro an Jeova ej walok ibelakin lõl, emaroñ lale brochure eo emwij kõmõne ilo kajin English im Spanish ak ejelok ilo kajin Majõl, title in ej “Wãwen Ko Jet Jemaroñ Jabawõt ñõn Jibõñ Jerbal in Kwalok Nan” (Charitable Planning to Benefit Kingdom Service). Buk in ej kemelele kin elõñ wãwen ko me jemaroñ jabawõt ilo ien eo jej mour wõt ak elikin. Elikin an kar jet riiti buk in im konono iben ro rej jerbal ilo office in bõk owõj ko, rar jino jabawõt ñõn jibõñ kij kin jerbal in kwalok nan eo ibelakin lõl. Im ro rar jabawõt rar bõk elap tokjen ilo an driklok wõnan owõj ko air. Ñõn bõk buk in jemaroñ kajitõk iben Charitable Planning Office eo.

Ñõn bõk melele ko relaplok, kwomaroñ jeje ñõn Charitable Planning Office eo ilo address eo ej walok itulõl, ak telephone lok, ak ñe jab, jeje ñõn ra eo ej bõk erron ailiñ eo am.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telephone: (845) 306-​0707