Kwoj Ke Kememej?

Kwar mõnõnõ ke in riiti Imõniaroñroñ ko ilo ailiñ ko rej kab motlok? Eokwe, jen lale elañe kwomaroñ uake kajitõk kein ilõl:

• Ta eo jej aikwij kõmõne bwe Anij en letok kajur eo an?

Jej aikwij jar kin kajur eo an im lukkun liñõri Nan ko an Anij. Ilo etã buru, jej aikwij jerbale nan in kowe im kakabilek ko jej bõki. ​​​—9/15, peij 11.

• Ewi wãwen jemaroñ kajerbal nan ko rekõkãtõk ñõn kakajurlok burukuk eo ar?

Konono ilo mol im joij ej kõmõn bwe armij ro ren ebake dron. Kejbãrok bwe wãwen am konono en jab erro im kalõkatipe ro jet ak kwon drebij am illu. (Dri Ep. 4:​29, 32)​​​​—9/15, peij 19, 20.

• Wõn enjel eo Anij ear jilkinlok iman dri Israel ro ke ear kadrioijlok ir jen Ijipt? (Ex. 23:​20, 21)

Jemaroñ tõmak bwe enjel eo ear ber ‘etan Jeova ilo e’ ej manje eo Nejin Anij, Jisõs.​​​​—9/15, peij 21.

• Ta jet ian un ko jej kwaloki me Jeova ejjab buñburuen kaki im rej jelet wãwen ar korijer ñõn E?

Elukkun bin. Ijjab kõnan. Ilukkun boub. Ijjab ekkar ñõn jerbal in. Juõn ear kõmetak buruõ. Men kein rej un ko rejjab jime im rej kõmõn ar jab bokake kien ko an Anij.​​​​—10/15, peij 12-​15.

• Ta jet ian wãwen ko kwomaroñ kõmõni bwe ien kwelok ko an Kristian ren menin kõkãtõk ñõn kwe im ro jet?

Kapojõklok iman. Keini am ber ilo kwelok ko. Mõkõj ñõn ien. Bõktok Baibel eo am im buk ko jet. Bõprae menin kamad ko. Bõk kwonam. Uak ilo tukaru. Kajejit katak ko rej liwõj. Nebar ro ear or kwonair. Kõmao iben ro jeer im jãter mokta im elikin kwelok.​​​​—10/15, peij 22.

• Ta eo kwomaroñ kõmõne ñõn jiboñ ajiri ro bwe en laplok air jela kin rolul eo an Jeova?

Bõk ir ñõn aolep kwelok ko. Mõkõjtok ñõn ien kwelok ko im ber elikin bwe kwon kwalok kajeir ñõn aolep. Kemeleleik ir kin library eo ilo Imõn kwelok eo kab board in kajela eo. Kajerbal ien Kabuñ an Baamle eo ñõn kemelele kin makõtkit ko an rolul eo an Jeova.​​​​—10/15, peij 27.

• Ta eo jemaroñ katak jen Aron ke ear kõtlok bwe ijjibed ko an armij ro ren anjo ion?

Ilo ien eo ke Moses ear joko, dri Israel ro rar jibede Aron bwe en eik juõn anij wan ñõn ir. Ear ebwer kin air jibede im kin men in ear lore kõnan ko air. Men in ej kalikar bwe ijjibed ko jen ro jet rejjab walok wõt ñõn jodrikdrik ro. Emaroñ bareinwõt jelet ridto ro im rekõnan kõmõni men ko rejime. Jej aikwij jumae ijjibed ñõn kõmõni men ko renana jej iioni jen ro jet.​​​​—11/15, peij 8.

• Etke eaurõk ñõn kõmõne ien kamelmel ko iben ajiri ro nejir ilo ien Kabuñ an Baamle?

Kamelmel ilo mweo emaroñ lap an jiboñ ajiri ro ñõn jojomare tõmak eo air. Ro jemen im jinen remaroñ kõmõn bwe ren einwõt ñe rej dri jikuul ro. Ien kein renaj jiboñ ajiri ro ñõn jela kwalok kamanwa im uak ilo joij.​​​​—12/15, peij 3, 5.

• Ewi wãwen jemaroñ kwalok ar kamolol kin al in kwelok ko an Kristian?

Kememej bwe ar kabuñ ñõn Jeova ej kitibuj ien al ko. Inem jen mõkõj ñõn ien kwelok ko bwe jen ber ilo ien al in kebellok eo. Jen jab watõk ien al ko bwe ren ien ar kakije. Jiboñ ro nejir bwe ren jab emakõt ilo ien al ko elañe ejjab menin aikwij.​​​—12/15, peij 22.