Kwõj Ke Keememej?

Kwaar ke riiti Imõniaroñroñ ko ilo allõñ ko rej kab mootl̦o̦k? Eokwe, jen lale el̦aññe kwõmaroñ uwaake kajjitõk kein:

• Ta wãween ko jilu remaroñ jipañ kõj bwe jen jim̦we im m̦ool wõt ilo ad mour im jerbal?

Wãween kein jilu rej: (1) Mijak Jeova (1 Pit. 3:​12) (2) Kõjerbale bũruod im l̦õmn̦ak ko ad ñan kõm̦m̦ani pepe ko rejim̦we. (3) Jej aikuj m̦õn̦õn̦õ kõn men ko ewõr ippãd.​​—4/15, peij 6-7.

• Etke jejel̦ã bwe ad kaorõke eddo ko ad jãn Jeova ejjab mel̦el̦ein bwe jejjab maroñ kõm̦m̦an iien ñan kakkije im m̦õn̦õn̦õ ippãn armej ro?

Kõnke Jijej ear kõm̦m̦an juon joñak em̦m̦an ñan kõj. Ear kõm̦m̦an iien ñan an kakkije im m̦õn̦õn̦õ ippãn ro jet bwe en l̦apl̦o̦k an jel̦ã kajjier. Rũtto ro kab ajri ro rar m̦õn̦õn̦õ in kepaake Jijej im rar kõn̦aan pãd iturin.​​—4/15, peij 10.

• Ta eo l̦eo im lio remaroñ kõm̦m̦ane el̦aññe edikl̦o̦k aerro yokwe doon ãlikin wõt an wõr nejierro?

Rej aikuj kalikkar ñan doon bwe rej yokwe im kaorõke doon. L̦eo emaroñ jipañ lio ñe ej jino tin wõr an eñjake in ebbeer. Erro jim̦or ej aikuj kwal̦o̦k bũrueerro ñan doon im kõnono ippãn doon kõn aikuj ko aerro.​​—5/1, peij 12-​13.

• Wõjke olive eo ilo Rom jebta 11 ej kõkkar kõn ta?

Wõjke olive eo ej jitõñl̦o̦k ñan Israel eo ilo kõkkar. Rein rej m̦õttan ro ineen Ebream. Okran wõjke eo ej jitõñl̦o̦k ñan Jeova. Kaan wõjke eo ej jutak kõn Jijej. Kõnke enañin aolep ri Ju ro rar kaarmejjeteik Jijej, kar kããlõt jet armej ro jãn aelõñ ko jet im kobaikl̦o̦k er ilo wõjke olive eo ilo kõkkar. Ilo wãween in, ear maroñ uñ oran ro im rej m̦õttan ro ineen Ebream.​—5/15, peij 22-​25.

• El̦aññe en kar wõr ro ineen Jijej, remaroñ ke kar ãinwõt juon menin katok ñan kõl̦l̦ãik on̦ean jerawiwi ko an armej ro?

Jaab. Meñe emaroñ kar wõr billion ro ineen Jijej im aolepeir renaaj kar weeppãn, ak reban kar maroñ kõl̦l̦ãik on̦ean jerawiwi ko an armej. Mour eo wõt an Jijej me eweeppãn ear joñan wõt juon ippãn mour eo eweeppãn kar an Adam. (1 Ti. 2:​6, NW)​​—6/15, peij 13.

• Ewi wãween jemaroñ kwal̦o̦k bwe jej m̦õn̦õn̦õ in pokake naan in kakkõl eo ilo Jerbal 20:​29, 30 (UBS) kõn ri kaki ro reriab?

Jejjab kõm̦m̦ao ippãer ak kũrtok er ñan m̦oko im̦õd. (Rom 16:17; 2 Jon 9-​11) Jen jab riiti bok ko aer, alwõje er ilo TV, ak riiti katak ko aer ilo Internet.​​—7/15, peij 15-​16.