Eor ke Etan Anij?

Uak ko ekkã an armij kwaloki:

▪ “Ãt eo etan ej Iroij.”

▪ “Ejelok etan.”

Ta eo Jisõs ear ba?

▪ “Inem en wãwen drein ami jar. Jememuij i lõñ, En kwojarjar Etõm.” (Matu 6:9) Jisõs ear tõmak bwe eor etan Anij.

▪ “I ar kwalok etõm ñõn ir, im I naj kwalok e; bwe yokwe eo, Kw’ar yokwe Iõ kake, en ber ilo ir, im Ña ilo ir.” (Jon 17:26) Jisõs ear kwalok kin etan Anij.

▪ “Kom jamin lo Iõ ñõn ien eo kom naj ba, Emõnõnõ eo Ej itok ilo etan Iroij.” (Luk 13:35; Keiri Sam 118:26) Jisõs ear kajerbal etan Anij.

ANIJ mõke ej kwalok ñõn kij kin ãt eo etan. Ej ba: “Ña Jeova, eñin eta.” * (Aiseia 42:8) Ãt in Jeova me enañin aolep rejelã kake kar ukote jen ãt eo Anij ear likiti etan mõke ilo kajin Hibru. Kwomaroñ bwilõñ ñõn jela bwe ãt in ejej uan ilo kajin Hibru ej walok elõñ tausan alen ilo Baibel eo. Ilo mol, ej walok elõñlok alen jen jabrewõt ãt ko jet ilo Baibel eo.

Jet remaroñ uake kajitõk in, “Etan Anij?” ilo air ba “Iroij.” Bõtab, ejelok oktõk ñe juõn ear uake kajitõk in, “Wõn eo ear win ilo ien ekãlel eo?” ilo an ba, “Senator eo.” Uak kein jimor rejjab alikar kinke “Iroij” im “Senator” rej title im jab ãt.

Etke Anij ear kwalok etan ñõn kij? Ear kõmõne men in bwe jen maroñ kalaplok ar jela kajen. Ñõn wanjoñok, jemaroñ kir juõn eman ikijen ar ba, Eman, Booj, Baba, im Jima. Title kein rej kwalok kin juõn men kin e. Bõtab ãt eo etan ej kakememej kij kin men otemjej jejela kin e. Ejja einwõt title kein Iroij, Anij Laplap, Jememuij, im Dri Kõmõnmõn, rej kõmõn bwe jen lemnok kin jerbal ko kajuju an Anij. Bõtab ãt eo etan, Jeova, ej kakememej kij kin men otemjej jejela kin e. Kwomaroñ ke jela kajen Anij elañe kwojjab jela ãt eo etan?

Ej aurõk bwe jen jab baj jela wõt kin ãt in ak jej aikwij bareinwõt kajerbale. Etke? Kinke Baibel eo ej jiroñ kij: “Bwe ro otemjej rej kir etan Iroij re naj mour.”​—Dri Rom 10:13; Joel 2:​32, UBS.

[Kamelele ko itulal]

[Naan ko ilo peij 6]

Jemaroñ kir juõn eman ikijen ar ba, Eman, Booj, Baba, im Jima. Bõtab ãt eo etan ej kakememej kij kin men otemjej jejela kin e