Katak eo Ejjab Mol Ken Kajuõn: Eor Juõn Mõtõn ilo Enbwinin Juõn Armij Ej Mour Manlok Elikin Ej Mij
Katak eo Ejjab Mol Ken Kajuõn: Eor Juõn Mõtõn ilo Enbwinin Juõn Armij Ej Mour Manlok Elikin Ej Mij
Ewi wãwen an kar katak in ejjab mol jino walok? Ilo juõn encyclopedia * ej ba bwe Kristian dri meletlet ro ilo ien ko etto rar bõk melele eo an dri Grik ro bwe eor juõn mõtõn ilo enbwinin juõn armij me eban mij im bwe ear jino ber ilo enbwinin armij eo ilo ien eo ear ejaak ilo lojen jinen.
Ta eo Baibel ej katakin kake? “Menono an ej ilok, ej jeblak ñõn lõl eo an; ilo ran eo lemnok ko an rejokolok.”—Sam 146:4.
Eor ke iben armij juõn “jitõb” ak “an” me ej mour manlok elikin an mij? Baibel eo ej katakin bwe Anij ear likit ilo armij ro im menin mour ko juõn kajur in mour me emaroñ jerbal manlok wõt ilo an menono. Kajur in mour ej men eo ej kõmõn bwe enbwin eo en mour. Bõtab, ñe armij eo ak menin mour eo ej bwijrõk jen an menono im ejjab maroñ kõmõn bwe kajur in mour eo me Anij ear letoke en jerbal manlok wõt, enaj mij. Ejelok air jela kin jabrewõt men.—Jenesis 3:19; Ekklisiastis 3:19-21; 9:5.
Katak in bwe eor juõn mõtõn ilo enbwinin juõn armij me ej mour manlok elikin mij, ear kõmõn bwe en walok kajitõk kein: Mõtõn eo ilo enbwinin armij eo ej etal ñõn ia elikin mij? Ta eo ej walok ñõn ro renana ñe rej mij? Ke ro rej ba rej dri Kristian rar bõk katak eo ejjab mol bwe eor juõn mõtõn ilo enbwinin armij me ej mour manlok elikin mij, men in ear tellok ir ñõn air bõk bar juõn katak ejjab mol bwe eor juõn kijeek ijo rej kaiñtan ro renana ie.
[Kamelele eo itulal]
^ The New Encyclopædia Britannica (1988), Volume 11, peij 25
Keiri eon kein ilo Baibel eo: Ekklisiastis 3:19; Matu 10:28; Jerbal 3:23
MOL EO:
Ilo ien eo juõn armij ej mij, ej melelen bwe ejjab mour