Kanaan eo jãn Jenesis L̦o̦k ñan Revelesõn

[Box/​Pictures on page 31]

“Inaaj likũt kõjdat ikõtaam̦ [jedpãnit eo] im kõrã eo, im ikõtaan ineõm̦ im ineen; enaaj ko̦kkure bõram̦, a kwõnaaj ko̦kkure jim̦win neen.”—Jenesis 3:15.

Anij ear kwal̦o̦ke kanaan in ilo jikin kallib in Iden im ej kanaan eo jinointata ilo Baibõl̦ eo. Wõn ro kõrã eo im eo ineen rej kõkkar kake? Im jedpãnit eo im eo ineen rej kõkkar kõn wõn? Ewi wãween an wõr “kõjdat” ikõtaan rein?

JEDPÃNIT EO

Setan Tepil̦ eo.—Revelesõn 12:9.

KÕRÃ EO

Doulul eo an Jeova ilañ me ej ejaakin enjel̦ ro. (Galetia 4:26, 27) Aiseia ear kanaan bwe “kõrã” eo enaaj ilo kõkkar keutak juon aelõñ.—Aiseia 54:1, UBS; 66:8.

INEEN JEDPÃNIT EO

Ro rej kããlõt bwe ren kõm̦anm̦an ankilaan Setan.—Jon 8:44.

INEEN KÕRÃ EO

Eo el̦aptata ineen kõrã eo ej Jijej Kũraij, eo ear itok jãn doulul eo an Jeova ilañ. ‘Ineen’ kõrã eo ej bareinwõt kitibuj ri kabit ro jatin Kũraij, ro im rej irooj ippãn ilañ. Ri kabit rein rej ejaakin aelõñ eo an Anij ak “Israel an Anij.”—Galetia 3:16, 29; 6:16; Jenesis 22:18.

KO̦KKURE JIM̦WIN NEEN

Naaj kar ko̦kkure Messaia eo bõtab ejamin ñan indeeo. Setan ear ko̦kkure Messaia eo ikijen an kar liaakel̦o̦k Jijej ñan mej ke ear pãd iion lal̦. Ak kar bar kajerkakpejeik Jijej.

KO̦KKURE BÕRAN

Naaj ko̦kkure Setan. Jijej enaaj m̦an Setan im enaaj jako ñan indeeo. Ak m̦okta jãn an kõm̦m̦ane men in, Jijej enaaj jol̦o̦k aolep men ko renana Setan ear kõm̦m̦ani jãn jinoin ilo jikin kallib in Iden.—1 Jon 3:8; Revelesõn 20:10.

Jouj im lale bok eo etan “Ewõr Juon Ennaan ilo Baibõl̦ eo ñan Kwe (The Bible—What Is Its Message?), kõm̦m̦an in Ri Kõn̦naan ro an Jeova.