Икана У Зеландийыште ака «Заботьтесь друг о друге» видеороликым ончалын. Тушто ойлымо почеш Иегова еҥ-влакым чамана гына огыл, тыгак чаманымыжым паша дене ончыкта (Ис. 63:7—9). Ака пален налмыжым илышыш пурташ да иктаж-кӧлан паша дене полшаш шонен пыштен. Вара ту кечынак кевытыш кайымыж годым тудо пӧртдымӧ ӱдырамашым вашлийын. Акана тиде ӱдырамашлан кочкышым налаш шонен пыштен да тудым тидын нерген йодын. Ӱдырамашыже келшен. Ака кочкышым налын да ӱдырамашлан конден да вашке илыш сай могырыш вашталтеш манын каласен. Тыгак «Орланымашлан иктаж-кунам мучаш толеш мо?» буклетым ончыктен.

Ӱдырамаш чот шорташ тӱҥалын. Тудо Иегован Таныкше-влакын ешыште кушкын манын умылтарен. Но шуко ий ончыч Иеговам коден каен. Шукерте огыл тудо Иеговалан кумалын да тудын дек пӧртылаш полшаш йодын. Ака ӱдырамашлан Библийым пуэн, да нуно шымлымаш нерген кутырен келшеныт a.

Иегова семын ме весе-влак дек чаманымашым ончыктен кертына, мутлан, родына-влак дек да погынымаш гыч иза-ака-влак дек. Тыгак чаманымаш весе-влаклан Иегова нерген каласкалаш тӱрлӧ йӧным кычалаш тарата.