Тиде ийысе «Орол башньын» выпускшо-влакым те тӱткын лудында мо? Шкем терген налашлан нине йодыш-влаклан вашмутым пуаш тыршыза.

Кузе ушнам уэмдаш? (Рим. 12:2).

Поро пашам ышташ гына ок сите. Мыланна эре шонкалаш кӱлеш, могай ме чынжымак улына, да илышна Юмын нормыжо почеш лийже манын, вашталтышым ышташ кӱлеш (w23.01, 8—9 странице).

Тӱнясе событий-влакым эскерен, айык шонымашан лияш мо полша?

Мыланна тӱнясе событий-влакым эскераш оҥай, вет ме библийысе ончылгоч каласымаш-влакын шукталтмыштым ужына. Но мыланна шке ыштыме иктешлымаш деч, кудыжо погынымаште иктылыкым пудыртен кертеш, кораҥаш кӱлеш. Мутланыме годым ме Иегован организацийжын пуымо информацийым кучылташ тыршена (1 Кор. 1:10) (w23.02, 16 странице).

Иисусын тынеш пурымыжо тудын тунемшыж-влакын тынеш пурымышт деч мо дене ойыртемалтын?

Мемнан дене таҥастарымаште Иисуслан Иеговалан ӱшанле лияш сӧрымашым пуаш кӱлын огыл, вет тудо тыгай калыкыште шочын, кудыжо Юмылан ӱшанле лияш сӧрымашым уже пуэн. Иисус языкдыме лийын. Сандене тудлан языкым ыштымаште ӧкынаш кӱлын огыл (w23.03, 5 странице).

Ме весе-влаклан вашлиймаште вашмутым пуаш кузе полшен кертына?

Весе-влакат комментарийым пуышт манын, ме кӱчык вашмутым пуэн кертына. Комментарийым пуымо годым шуко шонымашым она палемде гын, весе-влакат шке шонымыштым каласен кертыт (w23.04, 23 странице).

Исайя 35:8 почеламутышто могай «Святой корно» нерген ойлалтеш?

Тиде символический корно, кудыж дене еврей-влак Вавилон гыч шочмо кундемышкышт каеныт. Но тыгак тиде корно кызытсе «Святой корным» ончыкта, кудыжо 1919 ийыште почмо лийын. Но тидын деч ончыч шуко курым мучко «ямдылымаш паша» каен. Нунын коклаште Библийым кусарымаш да тудым печатлымаш. Таче Юмын калыкше духовный райыште улеш да курымашлык илышыш наҥгайыше «Святой корно» дене кая (w23.05, 15—19 странице).

Притчи 9 ужаште могай кок символический ӱдырамаш нерген ойлалтеш?

Притчи книгаште «ораде ӱдырамаш» нерген ойлалтеш. Тудын ӱжмашыжым налше-влак «шӱгарыш» логалыт. Вес ӱдырамаш — «чын уш-акыл». Тудо илышыш наҥгайыше «уш-акыл корно» дене каяш темла (Прит. 9:1, 6, 13, 18) (w23.06, 22—24 странице).

Лотын йодмыжлан вашмутым пуымо годым Юмо ӱҥышӧ да лывырге улмыжым кузе ончыктен?

Иегова Лотлан Содом гыч курык верыш куржаш кӱштен. Лот Цоарыш куржнеже ыле да тидын нерген Иеговам сӧрвален. Юмо йодмыж дене келшен (w23.07, 21 странице).

Марий порнографийым онча гын, ватыже мом ыштен кертеш?

Тудлан шкенжым титаклаш огеш кӱл. Лучо тудлан Юмо дене кыл кучымашыжым пеҥгыдемдаш да Библий гыч тыгай ӱдырамаш-влакын примерышт нерген шонкалаш, кудышт Юмо деч лыпландарымашым налыныт. Тудо марийжылан тыгай ситуаций-влак деч кораҥаш полшен кертеш, кудышт тудым угыч порнографийым ончаш таратен кертыт (w23.08, 14—17 странице).

Кузе умылымаш мыланна порын вашешташ полша тыгай еҥ-влаклан, кӧ ӱшанымашна нерген удан ойла?

Лучо йодышыжым критикылан шотлаш огыл, а умылаш тыршаш, мом йодмыжо тудын шонымашыже нерген ойла. Тиде порын вашешташ полша (w23.09, 17 странице).

Мариян кушеч вийым налмыже мемнам мо́лан туныкта?

Мария Мессийын аваже лиеш манын пален налын. Тиде кугу пашам шукташлан тудо весе-влак деч полышым кычалын. Гавриил суксо да Елизавета Мариялан Иеговалан ӱшанымыжым пеҥгыдемдаш полшеныт. Меат иза-ака-влак деч полышым кычалын кертына (w23.10, 15 странице).

Кумалмыналан Иегова кузе вашмутым пуэн кертеш?

Юмо кумалмынам колышташ сӧра да нуно шонен пыштымашыж дене кылдалтыт але уке, шотыш налеш (Иер. 29:12). Тудо икгайрак йодмашлан тӱрлӧ вашмутым пуэн кертеш, но полыш деч посна мемнам нигунамат огеш кодо (w23.11, 21—22 странице).

Римлян-влаклан 5:2 почеламутышто ӱшан нерген ойлалтеш. Молан вара Павел тудын нерген Римлян-влаклан 5:4 почеламутышто эше ик гана ойла?

Кунам айдеме поро уверым колеш, тудын рай мландыште курымеш илаш ӱшанже лектеш. Но кунам тудо нелылык дене тӱкна, тудым сеҥа да Юмылан йӧрышӧ улеш манын шижеш, тунам Юмын сӧрымын шукталтмыжлан ӱшанже, очыни, пеҥгыдемеш да тудо Юмын сӧрымыжым эше чотрак аклаш тӱҥалеш (w23.12, 12—13 странице).