Библийым шкевуя шымлымаш деч шукырак пайдам налнеда мо? Нине каҥаш-влак тыланда Библийым эше тӱткынрак шымлаш полшат.

• Сай верым ойырен налза. Йӧнан гын, ару, шуко арвер дене темше огыл да волгыдо верым муза. Ӱстел коклаш шинчаш але тӱнӧ сай верым муын верланаш лиеш.

• Тыгай верым муаш тыршыза, кушто те шкетын лийын кертыда. Иисус «эрдене эрак» «тымык верыште» кумалын (Мар. 1:35). Те шкетын кодын огыда керт гын, ешлан але, кӧ дене пырля иледа, нунылан каласыза, могай жапыште те шымлаш шонеда. Тунам нуно тидым шотыш налыт да тыланда огыт мешае.

• Мо тыланда мешаен кертеш, тидым кораҥдыза. Шымлыме годым те телефоным але планшетым кучылтыда гын, уведомлений-влакым йӧртыза але самолёт режимыш шындыза. Тидлан кӧра тыланда нимат огеш мешае. Те иктаж-могай кӱлешан сомыл нерген шарналтенда гын, тудым вара ышташ мондаш огыл манын, возен шындыза. Библийым тӱткын шымлаш огеш лек гын, изиш каналтен налза.