Мом те шукерте огыл шымленда, тыланда шарналташ южгунам йӧсӧ мо? Тыге мемнан гыч кажныжын лийын. Мом тунам ыштыман? Тӱҥ шонымаш-влакым ушештарыман.

Шымлыме годым жапын-жапын лудмым чарныза да шонкалыза, мо нерген те кызыт гына лудын лектында. Лач тидым ышташ апостол Павел шке серышыштыже иза-ака-влаклан ойлен. Тудо возен: «Мемнан ойлымаштына тӱҥжӧ тиде» (Евр. 8:1). Тыге тудо нунылан умылаш полшен, мом тудо каласынеже ыле да кузе кажне шонымаш икте-весе дене кылдалтеш.

Шымлымыдан мучаштыже тӱҥ шонымаш-влак нерген шонкалашлан те 10 минутым ойырен кертыда. Те нуным шарналтен ода керт гын, изи вуймут-влакым але тӱҥ предложений-влакым, кудышт тыглай годым абзац тӱҥалтыште улыт, ончен лекса. Кунам те у информацийым вашлийыда, тудым шке мутда дене умылтарен ончалза. Тӱҥ шонымаш-влакым ушештарен, те информацийым сайрак шарнен кодаш гына огыл, тыгак пален налмым кузе кучылташ сайрак умылаш тӱҥалыда.