Шымлаш тӱҥалме деч ончыч шке деч йодса: «Мом мый пален налнем?» Тугодымак шарныза: Иегова тыланда материалым у могыр гыч ончалаш полшен кертеш. Сандене иктаж-мо улан тунемаш ямде лийза. Тидым ышташ мо полша?

Уш-акыл нерген кумалза. Иеговам тыланда ончыкташ йодса, мо́лан тудо тендам кызыт туныктынеже (Иак. 1:5). Шымлыме теме тыланда палыме гынат, ида шоно, пуйто те тидын нерген чылажымат паледа (Прит. 3:5, 6).

Библийын виян улмыжо нерген шарныза. «Юмын шомакше илыше» (Евр. 4:12). Сандене кажне гана Библийым лудын, тудо мемнам улан туныктен да илышыштына тӱрлӧ семын полшен кертеш. Но тиде тунам гына лиеш, кунам ме туныктымыжым кучылташ ямде улына.

Иегован ӱстелыштыже чыла кочкышым аклыза. Юмын пуымо духовный кочкыш эн сай кочкыш гыч шогышо пир семын (Ис. 25:6). Иктаж-могай темым шымлаш оҥай огыл манын шонеда гынат, тыгай теме-влакым шымлыме деч ида кораҥ. Нуно тыланда пайдам гына огыл, куанымат кондат!