Библийым лудмо да шымлыме годым ме пайдале шонымаш-влакым муын кертына. Юмын Мутшым лудмаш мыланна шукырак пайдам кондыжо манын, мом ышташ лиеш?

Келгынрак шымлыза. Деталь-влакым ужаш тыршыза. Мутлан, пален налза, кӧ, кӧлан да кунам возен? Могай ситуаций годым тиде ужаш возымо лийын? Возымо деч ончыч да вара мо лийын?

Шоналтыза, мо́лан тиде тендам туныкта. Шкаланда тыгай йодыш-влакым пуыза: «Еҥ-влакын, кудышт нерген мый лудам, могай шижмашышт да могай койышышт лийын? Мый могай койышыштым куштынем, а могай деч кораҥнем да молан?»

Пален налмым кучылтса служитлымаште да илышыште. Тунам те Иисусын мутшын чын улмыжым ужыда. Тудо каласен: «Тыгак ышташ тӱҥалыда гын, пиалан лийыда» (Иоан. 13:17).

• Шотыш налза: арня покшелне вашлиймаште «Юмын Мутшо гыч поянлык» ужаш шонкалаш тарата, кузе Библий гыч пален налмым илышыш пурташ. Тушто шкем тергашлан да шонкалашлан йодыш-влак, тыгак келшен толшо сӱрет-влак улыт. Чыла тиде материал гыч шукырак пайдам налаш полша.