Шояк юмылан кумалмым чарыше закон эше лийын огыл ыле, но уже тунамак Иаков пален: Иеговалан веле тӱрыснек ӱшанле лияш кӱлеш (Исх 20:3—5). Сандене, кунам Иегова Иаковлан Вефильыш пӧртылаш каласен, Иаков мӧҥгысӧ да тарзыж-влаклан шояк юмо-влакым шуэн кодаш кӱштен. Тудо шояк юмо-влакым да, очыни, талисман семын чийыме алгам поген да шуэн (Тҥ 35:1—4). Мутат уке, Иаковын тидым ыштымыже Иеговалан келшен.

А кузе ме Иеговалан веле тӱрыснек ӱшанле лийын кертына? Мыланна шояк юмылан кумалмаш але спиритизм дене кылдалтше чыла паша деч кораҥаш чот кӱлешан. Мутлан, юзыланымаш дене кылдалтше ӱзгар-влак деч утлаш кӱлеш. Тыгак веселан жапым эртарыме шотышто тӱткӧ лийман. Шке дечын йод: «Оккультизм, вампир да зомби нерген книга але фильм-влак мыланем келшат мо? Веселан жапым эртарымым, кушто юзо паша але каргымаш оҥайла да эҥгекым конден кертдымыла койыт, ойырем мо?» Мемнан Иеговалан ужмышудымо чыла тыгай паша деч кораҥмына шуэш (Пс 96:10).

«ПРОТИВОСТАНЬТЕ ДЬЯВОЛУ» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Иегован Таныкше-влак дене Библийым шымлыше Палесан илышыштыже мо лийын?

• Спиритизм дене кылдалтше случайлаште молан кугурак иза-влак деч полышым йодаш кӱлеш?

• Иегова мемнам арылыже манын, мыланна мо деч утлаш кӱлеш?

• Палеса мом ыштен?

• Демон-влак деч тый шкендым кузе арален кертат?