Юмын мутшым колышташ шӱм тарата (Пр 3:1). Сандене шымлымашым эртарыме годым айдемын шӱмжым тарваташ тыршыман. Кузе тидым ышташ лиеш?

Айдемылан Библий гыч шинчымашым пуаш гына огеш сите. Пален налмын пайдажым ужаш полшыман да умылтарыман, кузе тиде палымаш Юмо деке лишемда. Библийысе нормо-влак Юмын йӧратымыжым, поро да чын улмыжым ончыктат манын умылаш полшыза. Пален налме нерген айдемын шонымыжым умылен налашлан шыман да тыматлын йодышым пуэдыза. Тудо йоҥылыш ончалтышыжым да привычкыжым тӧрлата гын, кузе тудын илышыже саемеш, пырля шонкалыза. Шымлышын Иеговам уло чон дене йӧраташ тӱҥалмыже мемнам чот куандара.

«ТУНЕМШЕ-ВЛАКЫМ ЯМДЫЛЫМАШ КУАНЫМ КОНДА. МОШТЫМАШДАМ САЕМДЫЗА: ШӰМЫМ ТАРВАТАШ ТЫРШЫЗА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Молан Нита Джейд деч йодын: «Шуматкечын мутланымына нерген шонкаленат?»

• Иегова еҥ-влакым йӧрата да сандене шке нормым да принципшым пуа. Кузе Нита Джейдлан тидым умылаш полшен?

• Юмым йӧратымым кузе ончыкташ лиеш умылтарашлан Нита Джейдлан мом каласен?