Чаманыше лиймаш полша шкенам вес айдемын верышкыже шындаш да умылен налаш, мом тудо акла, мом шижеш да мо тудлан эн кӱлешан. Тыгай поро кумылым еҥ-влак вик шижыт. Ме чаманыше лияш тыршена, вет весе-влаклан уло кумылна дене полшымына шуэш. Таныклыме пашам шуктымына годым еҥ-влакым чаманымым ончыктена гын, ме нунылан Иегован йӧратымыжым да нунын верч тыршен шогымыжым ужаш полшена, тиде нуным Юмо нерген шукырак пален налаш тарата (Фп 2:4).

Айдемым чаманымым тыматлын ойлымо дене, келшен толшо жестым кучылтмо дене да чурийончалтышна дене ончыктен кертына. Ме уло кумыл дене умылен налнена, мо́лан тудо ӱшана, мом тудо пален налнеже, могай тудын илышыже. Ме тудлан кӱлешан да пайдале информацийым кумылын ойлена, Юмо деке лишемаш полшынена, но тыгодымак илышыжым виеш она вашталтыкте. Кунам айдеме, мемнан полышнам налын, илышыштыже шке кумылжо почеш вашталтышым ышта, тиде мемнам чот куандара.

«ТУНЕМШЕ-ВЛАКЫМ ЯМДЫЛЫМАШ КУАНЫМ КОНДА. МОШТЫМАШДАМ САЕМДЫЗА: ЧАМАНЫШЕ ЛИЙЗА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Кунам Джейд вараш кодын тольо, кузе Нита чаманымашым ончыктен?

• Кунам Джейдын нойымо верч шымлаш кумылжо лийын огыл, кузе Нита чаманымашым ончыктен?

• Кунам Джейд тудлан организованность огеш сите манын каласен, кузе Нита чаманымашым ончыктен?