Мутланымаш планым ямдылашлан иза-влак сайын шонкалат да чылажымат шотыш налыт. Шуко уверзе ужеш, могай сай саскам мутланымаш план-влак кондат. Мутат уке, кажне кундем икте-весе деч ойыртемалтеш. Сандене служымаште уверзе-влак мутланымашыштым вашталтен да кундемыштлан келшен толшо вес темым кучылтын кертыт. Но специальный кампаний годым ме лач пуымо кӱштымаш почеш ыштышаш улына. Мемнан цельна — Иисусын пуымо заданийжым шукташ. Тудо Юмын Кугыжаныш нерген поро уверым каласкалаш кӱштен (Матфейын 24:14).

Тунемме заданийым ыштыме годым уверзе-влаклан «Илыш ден служымаш» паша тетрадьыште мутланымаш планыште возымо темымак кучылтман. Но вес кӱштымашым пуымо огыл гын, верысе условийым шотыш налын, нуно вес йодышым, библийысе почеламутым, ситуацийым але вес гана мутланымашым шуяш полшышо йодышым ойырен налын кертыт. Нине вашталтыш-влак 2020 ийын июнь тылзылан паша тетрадьыште 8-ше страницыште пуымо кӱштымашым алмаштат.