Сентябрь тылзыште «Курымеш куанен илыза!» брошюрым кучылтын, служымаште чылаштлан Библий шымлымашым темлаш тӱҥалына. Тиде тылзын 30 шагат нормым налын, полышкалыше пионер семын служитлаш лиеш. Тиде кампаний кузе эртарыме лиеш?

• Икымше мутланымаш годым. Айдемын Библийым шымлаш кумылжо лекше манын, брошюрын пытартыш страницыжым кучылт да шымлымашым тӱҥал. Ит мондо нуным, кӧ дене ончыч Библий нерген мутланенат. Можыч, нуно ончыч Библийым шымлаш келшен огытыл. Но кызыт, очыни, у шымлымаш методна да у брошюрна нунылан келшат. Кӧ мӧҥгыштӧ лийын огыл, нунылан брошюрым кодаш огеш кӱл. Тыгак кӧн брошюрым налаш кумылжо лийын огыл, нунылан тудым серыш дене колташ огеш кӱл. Погынымашын служебный комитетше тиде тылзын таныклымашлан ешартыш кӱчык вашлиймаш-влакым эртарен кертеш.

• Вес йӧн-влак. Тендан погынымашда литератур ден стендым кучылтеш гын, тушко «Курымеш куанен илыза!» брошюрым луктын шындыза. Кӧн брошюрым налаш кумылжо лектын, нунылан те эше оксам тӱлыде Библийым шымлыме курсым эртарен кертыда манын каласе. Тыгак кӱчыкын ончыкто, кузе Библийым шымлымаш эртаралтеш але вес гана ончыкташ кутырен келше. Таныклыме пашам эскерыше иза опытан уверзе-влакым ӱжын, деловой территорийыште таныклымашым организоватлен кертеш. Цельже тыгаяк: Библий шымлымашым темлаш. Тыгак тый Библий шымлымашым темлен кертат тыгай еҥ-влаклан, кӧ дене пырля пашам ыштет але кӧлан йӧн лекме годым таныклет.

Иисус мыланна тунемше-влакым ямдылаш да нуным туныкташ кӱштен (Мф 28:19, 20). Тиде специальный кампаний годым ме эше чотрак тиде пашам шукташ тыршена да тидым ышташ мыланна «Курымеш куанен илыза!» брошюр полша.