Библийыште шуко примерым возымо, кунам Иегова служитлышыж-влакын кумалмыштлан вашештен. Кунам нуно ужыныт, кузе Иегова нуным колыштын да нунылан полшен, тунам ӱшанымашышт пеҥгыдемын. Сандене айста кумалмына годым Иеговалан йодмынам раш ойлена да вара тудын вашмутшым ужаш тыршена! Шарныза: тудын вашмутшо южгунам вучымына семын огеш лий, тыгак тудо мыланна йодмына дечат шукырак пуэн кертеш (2 Коринфян-влаклан 12:7—9; Ефесян-влаклан 3:20). Кузе Иегова кумалтыш мутналан вашештен кертеш?

• Нелылыкым сеҥашлан физический, эмоциональный але духовный вийым пуэн кертеш (Фп 4:13).

• Сай решенийым лукташлан уш-акылым пуэн кертеш (Иак 1:5).

• Иктаж-мом ышташ кумылым да вийым пуэн кертеш (Фп 2:13, УТ).

• Тургыжланымына годым тынысым пуэн кертеш (Фп 4:6, 7).

• Материальный але эмоциональный шотышто мыланна полшаш весе-влакым таратен кертеш (1Ин 3:17, 18).

• Кӧн верч кумалына, нунылан полшен кертеш (Ап 12:5, 11).

«ИЕГОВА — „СЛУШАТЕЛЬ МОЛИТВ“» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Тазалыкна начар гын, Симидзу изан примерже мемнам кузе пеҥгыдемден кертеш?

• Симидзу изан примерже мемнам мо́лан туныкта?