Вийнам арам пытараш огыл манын, духовный цель-влакым шындаш кӱлеш (1Кр 9:26). Айста жапнам пайдалын кучылташ тӱҥалына, вет тиде саман вашке пытарыме лиеш (Еф 5:15, 16). Еш дене Библийым шымлымаште те шушаш служебный ийлан цель-влакым шынден кертыда. Паша тетрадьын тиде выпускшо тыланда полшен кертеш. Тыште икмыняр статья уло, кушто возымо, могай цельым шындаш лиеш. Еш дене пырля Иеговалан кумалын, нине цель-влак нерген шонкален налза (Иак 1:5).

Мутлан, ешыштыда иктаж-кӧ эрелык пионер семын служитлыже манын, шке могыр гычын мом ыштен кертыда? Тылзаш нормым ыштен ода керт манын шонеда гын, тыгаяк обстоятельствыште улшо пионер-влак дене мутланен налза (Пр 15:22). Тыгай пионерым еш дене Библийым шымлымашкыда ӱжын, тудын дене мутланен кертыда. Вара служитлымаш графикын икмыняр вариантшым возен шындыза. Ончыч пионер семын служитленат гын, шоналте, кузе угыч тиде служитлымаште тыршен кертат.

Ешыштыда иктаж-кӧ ик тылзе але утларак полышкалыше пионер семын служитлен кертеш мо? Виет шагал гын, тылзаш нормым шукташлан кажне кечын изин служитлен кертат. Тичмаш кече пашам ыштымылан але школышто тунеммылан кӧра арня коклаште тыланет служитлаш йӧсӧ гын, тыгай тылзым ойырен налын кертат, кунам отпускет але каникулет лиеш. Тыгак вич каныш кече дене тылзым ойырен налын кертат. Календарьыште тылзым палемден шынде, кунам тый полышкалыше пионер семын служитлаш шонен пыштенат, да графикым ыште (Пр 21:5).

«БУДЬТЕ МУЖЕСТВЕННЫМИ! ПИОНЕРЫ» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Кӧ нелылыкым ончыде пионер семын служитла, нунын верч Иегова тырша манын, Эмма Оманн акан примерже кузе ончыкта?