Чыла еш пиалан лийже манын, Иегован кумылжо уло (Пс 126:3—5; Эк 9:9; 11:9). Но тиде тӱнян темдымыжлан кӧра да ешыште чылаштын йоҥылышым ыштымыштлан кӧра куанымашна йомын кертеш. Еш пиалан лийже манын, мом кажныже ыштен кертеш?

Марий ватыжым пагала (1Пт 3:7). Тудын дене жапым эртара. Тудо ватыж деч утыжым огеш йод да тудым эре таушта чылажлан, мом ватыже тудлан да ешыжлан ышта (Кл 3:15). Тудо ватыжлан йӧратымашым ончыкта да тудым мокта (Пр 31:28, 31).

Вате марийжылан эре полшаш тырша (Пр 31:12). Тудо марийжым колыштеш да тудын дене каҥаша (Кл 3:18). Тудо марийже дене порын мутлана да тудын нерген сайым гына ойла (Пр 31:26).

Ача-ава-влак йочаштлан жапым ойырат (Вт 6:6, 7). Нуно кажне йочаштлан тыйым йӧратена манын ойлат (Мф 3:17). Нуно йочаштым йӧратымаш да уш-акыл дене ончен куштат (Еф 6:4).

Йоча-влак ача-аваштым пагалат да колыштыт (Пр 23:22). Нунылан шке шонымаш ден шижмашышт нерген почын ойлат. Нуно ача-аваштын каҥашышт почеш ыштат (Пр 19:20).

«ПУСТЬ ВАША СЕМЬЯ БУДЕТ СЧАСТЛИВОЙ!» ВИДЕОРОЛИКЫМ ОНЧАЛ ДА ВАШМУТЫМ МУ:

• Еш пиалан лийже манын, мом кажныже ыштен кертеш?