Тӱня мучко погынымашлаште Иеговалан шуко ий ӱшанлын служитлыше иза-ака-влак улыт. Нунын деч ме шукылан тунемын кертына, мутлан, кузе Иеговалан пеҥгыдын ӱшанаш. Тыгак нуно мыланна организацийын историйже нерген да, кузе Иегова нунылан нелылыкым сеҥаш полшен, каласкален кертыт. Тыгай ӱшанле служитлыше-влак гыч иктаж-кӧм еш дене Библийым шымлымашыш ӱжаш да шке опытшо нерген каласкалаш йодаш лиеш.

Тыят Иеговалан шуко ий служитлет гын, пожалуйста, самырык иза-ака-влаклан каласкале, кузе Юмо тыйын ӱшанымашетым пеҥгыдемден. Иаков да Иосиф тыгак шке шольыж ден шӱжарже-влаклан шке опытышт нерген каласкаленыт (Тҥ 48:21, 22; 50:24, 25). Жап эртымеке, Иегова еш вуй-влаклан законым пуэн. Тиде закон дене келшышын, нуно шке йочашт-влаклан тудын куатле пашаже-влак нерген каласкалышаш улыт ыле (Вт 4:9, 10; Пс 77:4—7). Таче ача-ава-влак да вес христиан-влак кушкын шогышо тукымлан Иегован организацийыштыже лийше ӧрыктарыше вашталтыш-влак нерген каласкален кертыт.

«СОХРАНЯЕМ ЕДИНСТВО ВО ВРЕМЯ ЗАПРЕТА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Эллаште, кушто таныклыме пашана чарыме лийын, австрийысе филиал уверзе-влак верч кузе тыршен?

• Нине эллаште иза-ака-влак шке пеҥгыде ӱшанымашыштым кузе арален шогеныт?

• Румынийыште илыше 5 000 наре уверзе Иегован организацийже деч кузе ойырленыт да вара нуно кузе пӧртылыныт?

• Тиде видеоролик ӱшанымашетым кузе пеҥгыдемден?