Тӧрлатымашын тӱҥ цельже — айдемым туныкташ, а южгунам ӧкынаш тараташ да наказатлаш. Иегова деч тӧрлатымаш мыланна сай могырыш вашталташ полша (Рм 12:1; Евр 12:10, 11). Тӧрлатымаш мыланна огеш келше гынат, наказанийым налын, ме Юмо ончылно ару лийына да шуко суапым налына (Пр 10:7). Тӧрлатышылан да наказанийым налшылан мо нерген шарныман?

Тӧрлатыше. Кугурак иза-влак, ача-ава да моло христиан-влак йӧратен да порын тӧрлаташ да туныкташ тыршат. Тыге нуно Иегова семын ыштат (Иер 46:28). Айдемым наказатлаш логалеш гынат, чыла обстоятельствым шотыш налаш да айдеме дене поро лияш кӱлеш (Тит 1:13).

Наказанийым налше. Кеч-могай тӧрлатымашым кораҥдаш огеш кӱл, а лучо тиде полышым вигак налаш (Пр 3:11, 12). Чыла еҥ языкан, сандене мыланна эре каҥаш ден ушештарымаш кӱлыт. Тыгай ушештарымашым ме вашлиймашыште колын але Библийыште лудын кертына. Но южгунам южыштлан пунчалым лукшо комитет деч наказатлымаш кӱлеш. Полышым налме деч илышна шога (Пр 10:17).

«КОГО ЛЮБИТ ИЕГОВА, ТОГО НАКАЗЫВАЕТ» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Эн ончыч Канонын могай илышыже лийын, но варажым мо вашталтын?

• Иегова тиде изам йӧратымым кузе ончыктен да погынымашыш пӧртылаш тудлан кузе полшен?

• Тиде историй мемнам мо́лан туныкта?