Кумылаҥын ойлымына весе-влакымат кумылаҥда. Тыгак мемнам колышташ нунын кумылышт лектын кертеш. А эше кумылаҥын ойлымына ончыкта: поро уверлан ме шкат пеҥгыдын ӱшанена. Кеч-кушто ме кушкын шуынна, кеч-могай мемнан воспитаний ден характерна, ме чыланат кумылаҥын ойлен кертына (Рм 12:11). Мо мыланна полшен кертеш?

Икымше: шоналте, каласаш шонымо мутет-влак мыняр чот кӱлешан улыт. Шарне: Иегова тыланет весе-влаклан куандарыше уверым каласкалаш ӱшанен пуэн! (Рм 10:15). Кокымшо: шонкале, могай пайдам тыйын мутет колыштшо-влаклан конда. Вет тиде шинчымаш нунын илышыштым утарен кертеш! (Рм 10:13, 14). Кумшо: кумыл нӧлтын ойло, чурий да жест-влак дене кумылаҥмашетым ончыкто.

«ТУНЕМШЕ-ВЛАКЫМ ЯМДЫЛЫМАШ КУАНЫМ КОНДА. МОШТЫМАШДАМ САЕМДЫЗА: КУМЫЛАҤЫН ТУНЫКТЫЗА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Молан кӧра Нитан Джейд дене шымлымаште куанже йомын?

• Ниталан ончычсо куаным пӧртылташ мо полшен?

• Таныклымына годым молан еҥ-влакын сай койышыштым ужаш тыршыман?

• Кумылаҥын ойлымына весе-влаклан, шымлыше-влакланат, могай пайдам конден кертеш?