Давид шке шӱмышкыжӧ йӧрдымӧ шонымашым пуртен (2См 11:2—4; w21.06-U 17, абз. 10).

Давид, шке властьым кучылтын, ыштымыжым шылташ тыршен (2См 11:5, 14, 15; w19.09-U 17, абз. 15).

Языкым ыштымыжлан Давидлан пеш шерге акым тӱлаш логалын (2См 12:9—12; w18.06-U 17, абз. 7).

Иктаж-мом йӧрдымым ончаш але тидын нерген шонаш огыл манын, шкем эре терген шогаш кӱлеш (Гл 5:16, 22, 23). Уда шонымаш шӱмыштына вожым ынже колто манын, эре тыршыман. Ты шотышто Иегова мыланна полшаш ямде.

ШКЕ ДЕЧЕТ ЙОД: «Шке шонымемым мо шотышто мыланем эше чотрак шекланен шогыман?»