Ме языкан улына, сандене мыланна шке шонымашнам эре эскерен шогыман. Шонымына почеш эре ыштена гын, Иегова дене келшымашым йомдарен кертына. Мутлан, южыштын тамлын кочкаш, моторын чияш да сай пӧртым налаш тыгай кугу кумылышт лектеш, нуно эсогыл Иеговам йӧраташ чарнен кертыт. Весышт яжарланыме шонымыштым шукташлан Иегован кӱштымыж-влакым пудыртат (Рм 1:26, 27). Тыгак южо еҥ калыклан келшаш тырша, садлан нунын кумылышт почеш ышта (Исх 23:2).

Шке шонымашнам эскераш кузе тунемын кертына? Уда шонымашым вигак кораҥден, духовный нерген шонаш тыршыман (Мф 4:4). Тыгак шонымашнам терген шогымаште Иегова деч полышым йодаш кӱлеш. Вет тудо пала, мо мыланна сайрак, да сай шонымашнам шукташ полша (Пс 144:16).

«НЕ ПРОКУРИ СВОЮ ЖИЗНЬ!» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Молан еҥ-влак тамакым шупшыт?

• Тамакым шупшмаш тазалыклан могай эҥгекым конда?

• Тамакым але электронный сигаретым шупшаш молан сай огыл? (2Кр 7:1).

• Тамакым шупшмым тӱҥалаш огыл але тиде привычкым сеҥаш мо полша?