Юмын йолташыже лияшлан шымлыше айдемылан ӱшанымашыжым пеҥгыдемдаш кӱлеш (Евр 11:6). Тидлан «Курымеш куанен илыза!» книга полша. Тушто тӱҥ библийысе почеламут-влак, сай умылтарымаш, шонкалаш полшышо йодыш-влак, шӱмым тарватыше видеоролик ден сылне сӱрет-влак улыт. Шымлышылан христиан койышым кушташ да Юмо дене йолташ лияш полшен, ме пуйто йӱлыдымӧ материал дене чоҥена (1Кр 3:12—15).

Ужаш лийдыме Юмо дене кузе йолташ лияш южыштлан умылаш йӧсӧ. Садлан тыгай еҥлан Иеговам пален налаш да тудлан ӱшанаш полшыман.

«„КУРЫМЕШ КУАНЕН ИЛЫЗА!“ КНИГАМ КУЧЫЛТЫН, ИЕГОВАЛАН ӰШАНЫМАШЫМ КУШТЫЗА» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Акана шымлымашлан сайын ямдылалтын манын, кушеч коеш?

• Сай ешартыш йодыш-влакым кучылтын, кузе ака Исайя 41:10, 13 гыч тӱҥ шонымашым палемден да шымлыше ӱдырым шижмашыже нерген каласаш таратен?

• Видеоролик ден библийысе почеламут-влак шымлыше ӱдырын шӱмжым кузе тарватеныт?

Шуко еҥ огеш умыло, мо тыгай тӱлен налмаш але, Юмо тиде надырым нунын верч пуэн манын, огыт шоно (Гл 2:20). Сандене мыланна еҥ-влаклан Христосын надыржылан ӱшанаш полшыман.

«„КУРЫМЕШ КУАНЕН ИЛЫЗА!“ КНИГАМ КУЧЫЛТЫН, ИИСУСЛАН ӰШАНЫМАШЫМ КУШТЫЗА» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Изана шымлымашлан сайын ямдылалтын манын, кушеч коеш?

• Кузе тудо шымлышылан полшашлан «Ешартыш» рамке гыч материалым кучылтын?

• Шымлыше айдемын духовный кушмаште кумалтыш мут молан чот кӱлешан?