Еҥ-влакым туныкташлан Иисус таныклымыж годым ту жапыште лийше событий-влакым палемден (Лк 13:1—5). Еҥ-влаклан Кугыжаныш нерген увер оҥай лийже манын, тыят шукерте огыл лийше событий-влакым палемден кертат. Мутлан, акшын кушмыжо, пӱртӱс вий ден лийше эҥгек, калык коклаште пуламыр, наркоманий але иктаж-могай вес нелылык нерген каласен кертат. Варажым шонкалаш таратыше йодышым пу. Тыге йодаш лиеш: «Тендан шонымаште . . . иктаж-кунам пыта мо?» але «. . . кузе сеҥаш лиеш?» Тиддеч вара темылан келшен толшо почеламутым лудын пу. Айдеме кумылын колыштеш гын, тудлан видеороликым ончыкто але таныклашлан кучылтмо ӱзгар-влак гыч ик публикацийым темле. Мемнан цельна — кундемыштына илыше еҥ-влакын шӱмыштым тарваташ. Садлан айста «Поро Уверлан кӧра» чыла кертмынам ыштена (1Кр 9:22, 23).

Тендан кундемыштыда еҥ-влаклан мо нерген мутланаш келша?