Библий аудиовозыш-влак мо дене ойыртемалтыт? Уэмдыме «У тӱня» кусарымашын аудиовозыш-влак утларак да утларак тӱрлӧ йылме дене лектыт. Нуно мо дене оҥай улыт? Аудиовозышышто кажне библийысе персонаж шке йӱкшӧ дене ойла. Еҥ-влак Библийым чын умылышт манын, аудиовозышышто лудшо-влак чын логический пералтыш дене да кӱлешан эмоций дене лудыт.

Библий аудиовозышым колыштмаш могай пайдам конда? Шукышт ойлат, кунам нуно нине аудиовозыш-влакым колыштыт, Юмын Мутшо ушыштышт ылыжеш. Кажне библийысе персонажын шке йӱкшӧ нунылан библийысе событий-влакым ушыштышт сӱретлаш да Библийыште возымым сайрак умылаш полша (Пр 4:5). Шуко иза-ака-влакын каласымышт почеш Библийым колыштмаш нуным тургыжланымышт годым лыпландара (Пс 93:19).

Кунам ме Юмын Мутшым колыштына, тиде илышналан кугу пайдам конден кертеш (2Лт 34:19—21). Библий аудиовозыш-влак тыгай йылме дене, кудыжым тый умылет, улыт гын, нуным колышташ привычкыш пуртен кертат мо?

«ЗВУКОВАЯ ЗАПИСЬ БИБЛИИ» ВИДЕОРОЛИК ГЫЧ УЖАШЫМ ОНЧАЛ ДА ВАШМУТЫМ ПУ:

Библий аудиовозышым кузе ышталтмаш тыйым мо дене ӧрыктара?